«2021 جىل – قازاقستاندا بالالار مەن جاسوسپىرىمدەردىڭ كىتاپ وقۋىن قولداۋ جىلى» اياسىندا ۇلتتىق اكادەميالىق كىتاپحانادا بالالار جازۋشىلارى مەن زيالى قاۋىم وكىلدەرىنىڭ قاتىسۋىمەن «بالالار ادەبيەتى – ۇلت بولاشاعى» اتتى كىتاپ اپتالىعى باستالدى.
اپتالىق اياسىندا بالالار اقىن-جازۋشىلارى مەن ادەبيەت زەرتتەۋشىلەرى, جاس وقىرماندار اراسىندا «مەنىڭ سۇيىكتى كىتابىم» اتتى وقىرماندار كونفەرەنتسياسى ءوتتى. جاس وقىرماندار مەن اقىن-جازۋشىلار وي ءبولىسىپ, پىكىر الماسقان جيىن جازۋشىلاردى كوپشىلىككە تانىتۋ, بالالاردى كىتاپ وقۋعا ىنتالاندىرۋ, بالالار ادەبيەتىنە دەن قويا وتىرىپ, قوعامدى وقۋ ۇدەرىسىنە ىلەستىرۋ جانە بالالاردىڭ وقۋ مادەنيەتىن قالىپتاستىرۋ ماقساتىندا ۇيىمداستىرىلىپ وتىر.
سونداي-اق بالالار جازۋشىسى جەڭىس قاشقىنوۆ شىعارماشىلىعى تانىستىرىلدى. ءىس-شاراعا جازۋشى تولىمبەك ءابدىرايىم, اقىن, جازۋشىلار وداعى نۇر-سۇلتان قالالىق فيليالىنىڭ ديرەكتورى داۋلەتكەرەي كاپ ۇلى, ۇلتتىق اكادەميالىق كىتاپحانا باسشىسى ءۇمىتحان مۇڭالباەۆا, اقىن, وسكەمەن قالالىق ءماسليحاتىنىڭ دەپۋتاتى اسكەرحان اقتاي, جازۋشى ۇلاربەك دالەي سەكىلدى ادەبيەت وكىلدەرى قاتىسىپ, بۇگىنگى بالالار ادەبيەتىنىڭ دامۋ قارقىنىن تالقىلادى.