شىمكەنت قالاسىنىڭ اكىمى مۇرات ايتەنوۆ جاڭادان اشىلعان الەۋمەتتىك دۇكەننىڭ جۇمىسىمەن تانىستى. ەلشىبەك باتىر كوشەسىنىڭ بويىندا ورنالاسقان الەۋمەتتىك دۇكەندە 10 ادام تۇراقتى جۇمىسپەن قامتىلعان, دەپ حابارلايدى Egemen.kz
پرەزيدەنتىمىزدىڭ «ەگىس دالاسىنان دۇكەن سورەسىنە دەيىن» اتتى قاناتقاقتى جوباسى شىمكەنتتە جۇزەگە اسىرىلىپ جاتىر.
اتالعان جوباعا بولىنگەن ينۆەستيتسيا قۇنى – 50 ملن تەڭگە. مۇندا كۇندەلىكتى ءبىرىنشى كەزەكتە تۇتىناتىن الەۋمەتتىك ماڭىزى بار ازىق-ت ۇلىك تاۋارلارى قولجەتىمدى باعادا ساتىلۋدا.
بۇل دۇكەندە تەك قانا شىمكەنتتە وندىرىلگەن ازىق-ت ۇلىك تاۋارلارى, جىلىجاي ونىمدەرى جيناقتالعان. ياعني, ازىق-ت ۇلىك تاۋار وندىرۋشىلەر مەن دۇكەن يەسى اراسىندا ەشقانداي دەلدال جوق. سونىمەن قاتار, مۇندا ونىمدەر قالاداعى ورتاشا نارىقتان 20 پايىز تومەن باعادا ساتىلادى.
قالا اكىمى جەرگىلىكتى تاۋار وندىرۋشىلەردىڭ ونىمدەرىن وسىنداي دۇكەندەر بويىنشا ۇيلەستىرۋدى اۋىلشارۋاشىلىق جانە ۆەتەريناريا باسقارماسى باسشىسىنا تاپسىردى. تاۋارلاردىڭ تۇرلەرىن كوبەيتۋدى دە مىندەتتەدى.
م.ايتەنوۆ ەكونوميكاداعى باعانى تۇراقتاندىرۋدىڭ بىردەن ءبىر جولى رەتىندە وسىنداي دۇكەندەردى كوبەيتۋ باعىتىندا جۇمىس جانداناتىنىن اتاپ ءوتتى.