تەستىلەۋدىڭ بارلىق قاتىسۋشىسى ۇبت باستالار الدىندا سانيتارلىق-ەپيدەميولوگيالىق نورمالارعا سايكەس دەزينفەكتسيادان وتەدى. تەستىلەۋگە كىرگىزۋ كەزىندە قاتىسۋشىلاردىڭ اياق كيىمدەرى مەن قولدارى ارنايى قۇرالدارىمەن تازارتىلادى بۇل تۋرالى ورتالىق كوممۋنكياتسيالار قىزمەتىندە وتكەن بريفينگتە بعم جوعارى جانە جوعارى وقۋ ورنىنان كەيىنگى ءبىلىم دەپارتامەنتىنىڭ ديرەكتورى ادىلەت تويباەۆ حابارلادى, دەپ جازادى Egemen.kz وكق-عا سىلتەمە جاساپ.
«تەستىلەنۋشىلەردى كىرگىزۋ جانە اۋديتوريادا وتىرعىزۋ كەزىندە الەۋمەتتىك قاشىقتىق ساقتالادى. اۋديتوريالار جەلدەتىلىپ, دەزينفەكتسيالىق قۇرالدارمەن تازارتىلادى. بارلىق سانيتارلىق تالاپ قاتاڭ ساقتالاتىن بولادى», دەدى تويباەۆ.
ءاربىر تەستىلەۋشىنىڭ اينەكپەن قورشالعان ورنى بولادى. سونداي-اق, سانيتارلىق نورمالارعا سايكەس اتا-انالار مەن مۇعالىمدەرگە ۇبت وتكىزۋ پۋنكتىنىڭ اۋماعىندا بولۋعا تىيىم سالىنادى. ولار ءۇشىن اۋديتوريادان education.kz سايتىندا بەينەترانسلياتسيا قامتاماسىز ەتىلەدى.