رەسەيدىڭ بلاگوۆەششەنسك قالاسىندا امۋر مەديتسينالىق اكادەميياسىنىڭ كارديوحيرۋرگيالىق ورتالىعىندا ءورت كەزىندە دارىگەرلەر ناۋقاسقا وتا جاساپ شىققان.
وپەراتسيادان كەيىن ناۋقاستى امۋر وبلىستىق كلينيكالىق اۋرۋحاناسىنا جەتكىزگەن. امۋر مەملەكەتتىك مەديتسينا اكادەمياسى ءورت كەزىندە جۇرەك ورتالىعىندا ءۇش وپەراتسيا, سونىڭ ىشىندە كورونارلىق ارتەريانى اينالىپ ءوتۋ وتاسى جاسالعانىن حابارلايدى. ءورت سوندىرۋشىلەر عيماراتتاعى جالىندى ءسوندىرۋ كەزىندە سۋ وپەراتسيالىق بولمەلەرگە كىرمەيتىندەي جۇمىس ىستەگەن. ناتيجەسىندە, وتا ءساتتى اياقتالعان.
دارىگەرلەر ءورت تۋرالى ەستىگەنىمەن, اسا سەنبەگەندەرىن ايتقان. سەبەبى وپەراتسيالىق بولمە توبەسى جانىپ جاتقان عيماراتتىڭ ءبىرىنشى قاباتىندا ورنالاسقان. ول جارىق مۇلدەم ءوشىپ قالسا, ناۋقاستىڭ ءتىرى قالۋى ەكىتالاي ەدى دەيدى. قۇتقارۋشىلار قوسقان ارنايى گەنەراتوردىڭ كومەگىمەن وتا توقتاتىلماي, سوڭىنا دەيىن جاسالعان.