قىرىمبەك كوشەرباەۆ سىبايلاس جەمقورلىققا قارسى ءىس-قيمىل ماسەلەلەرى جونىندەگى كوميسسيانىڭ وتىرىسىن وتكىزدى

وتىرىستا «قازاقستان رەسپۋبليكاسىنىڭ 2015-2025 جىلدارعا ارنالعان سىبايلاس جەمقورلىققا قارسى ستراتەگياسىن ىسكە اسىرۋ بارىسى تۋرالى» جانە مەملەكەت باسشىسىنىڭ توراعالىعىمەن وتكەن 2020 جىلعى 19 تامىزداعى «سىبايلاس جەمقورلىققا قارسى ءىس-قيمىل جونىندەگى شارالار تۋرالى» كەڭەستىڭ حاتتاماسىن ىسكە اسىرۋ بارىسى تۋرالى» ماسەلەلەر قارالدى.

جيىن بارىسىندا سىبايلاس جەمقورلىققا قارسى ءىس-قيمىل اگەنتتىگى, ءبىلىم جانە عىلىم مينيسترلىگى, تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى باسشىلارىنىڭ باياندامالارى تىڭدالدى.

قازاقستاندا جۇرگىزىلىپ جاتقان سىبايلاس جەمقورلىققا قارسى رەفورمالارعا Transparency International ۇيىمىنىڭ وڭ باعا بەرگەنى اتاپ ءوتىلدى. 2020 جىلدىڭ قورىتىندىسى بويىنشا سىبايلاس جەمقورلىقتى قابىلداۋدىڭ الەمدىك يندەكسىندە ءبىزدىڭ ەلىمىز 100-دەن 38 بالل الدى, بۇل سوڭعى جىلدارداعى ەڭ ۇزدىك ناتيجە سانالادى.

سونىمەن بىرگە قازاقستان رەسپۋبليكاسىنىڭ 2025 جىلعا دەيىنگى ۇلتتىق دامۋ جوسپارى جانە قازاقستان رەسپۋبليكاسىنىڭ 2025 جىلعا دەيىنگى جالپىۇلتتىق باسىمدىقتارى بويىنشا 2025 جىلعا قاراي ەلىمىزدە سىبايلاس جەمقورلىقتى قابىلداۋ يندەكسىن 45 باللعا جەتكىزۋ كوزدەلگەندىكتەن, وسى باعىتتاعى جۇمىس قارقىنى تومەندەمەۋگە ءتيىس.

ءبىرىنشى ماسەلە بويىنشا قازاقستان رەسپۋبليكاسى تۇڭعىش پرەزيدەنتى – ەلباسىنىڭ 2014 جىلعى جەلتوقسانداعى جارلىعىمەن بەكىتىلگەن سىبايلاس جەمقورلىققا قارسى ستراتەگيانى ىسكە اسىرۋ جونىندەگى 2018-2020 جىلدارعا ارنالعان ءىس-شارالار جوسپارىنىڭ ورىندالۋىن اياقتاۋ تالقىلاندى.

ونىڭ اياسىندا مەملەكەتتىك قىزمەت, قوعامدىق باقىلاۋ, كۆازيمەملەكەتتىك جانە جەكە سەكتورلار, سوت جانە قۇقىق قورعاۋ جۇيەلەرى سىبايلاس جەمقورلىققا قارسى مادەنيەتتى دامىتۋ جانە حالىقارالىق ىنتىماقتاستىق سالالارىنداعى ءىس-شارالار پىسىقتالدى.

بۇل رەتتە 2015-2025 جىلدارعا ارنالعان سىبايلاس جەمقورلىققا قارسى ستراتەگيانى ىسكە اسىرۋدىڭ ەكىنشى بەسجىلدىق كەزەڭىنە كوشۋ جانە 2021-2023 جىلدارعا ارنالىپ ازىرلەنىپ جاتقان جوسپاردى ساپالى ورىنداۋ قاجەتتىگى ايتىلدى.

مەملەكەت باسشىسىنىڭ 2020 جىلعى 19 تامىزداعى تاپسىرمالارى بويىنشا جاۋاپتى مەملەكەتتىك ورگاندار 26 تاپسىرمانىڭ 17-ءسىنىڭ ورىندالۋى تۋرالى باياندادى. كوپتەگەن تاپسىرمالار سىبايلاس جەمقورلىققا قارسى بىرقاتار باستامالارعا مۇرىندىق بولسا, ولاردىڭ كەيبىرەۋلەرى ىسكە اسىرىلدى.

وسىعان بايلانىستى, مەملەكەتتىك ورگاندارعا سىبايلاس جەمقورلىق دەڭگەيىن تومەندەتۋگە ناقتى اسەر ەتەتىن ءىس جۇزىندە قولدانىلاتىن شارالاردى قابىلداۋدى كوزدەي وتىرىپ, باقىلاۋدا تۇرعان تارماقتاردى ساپالى ورىنداۋدى جالعاستىرۋ ۇسىنىلدى.

وتىرىس قورىتىندىسى بويىنشا قىرىمبەك كوشەرباەۆ قارالعان ماسەلەلەر بويىنشا ناقتى تاپسىرمالار بەردى, ولاردىڭ ورىندالۋى باقىلاۋعا الىندى.