الماتى پوليتسەيلەرى رەسەيلىك ارىپتەستەرىنە 13 جىل ىزدەۋدە بولعان قاراقشىنى ۇستاۋعا كومەكتەستى, دەپ حابارلايدى Polisia.kz.
2008 جىلى «م» ەسىمدى ازامات (1990 جىلعى) ءوزىنىڭ «پ» ەسىمدى دوسىمەن ساراتوۆ وبلىسىنىڭ ەنگەلس قالاسىندا ايەل ادامعا شابۋىل جاساپ, اقشاسىن الىپ كەتكەن.
«وسى فاكتى بويىنشا ساراتوۆ وبلىسىنىڭ ەنگەلس مۋنيتسيپالدى اۋدانىنىڭ ءىىب جانىنداعى تب-دا رەسەي فەدەراتسياسى قك-ءنىڭ 162-بابى 2-ءبولىمى (قاراقشىلىق شابۋىل) بويىنشا قىلمىستىق ءىس قوزعالدى. ولاردىڭ ءبىرى ۇستالىپ, 4,5 جىلعا باس بوستاندىعىنان ايىرىلدى. «م» ەسىمدى ازامات قاشىپ ۇلگەردى. وعان قاتىستى ىزدەۋ ءىسى اشىلدى: ووعان 2008 جىلدىڭ شىلدە ايىندا مەملەكەتارالىق جانە حالىقارالىق ىزدەۋ جاريالاندى», دەدى الماتى قالالىق پد كريمينالدىق پوليتسيا باسقارماسىنىڭ باستىعى ەركىن ىڭكاروۆ.
شامامەن 13 جىل وتكەن سوڭ الماتى پوليتسياسى جەدەل-ىزدەستىرۋ شارالارىن جۇرگىزۋ بارىسىندا قاشقىندى ۇستادى. قازىر ۋاقىتتا كۇدىكتى قاماۋدا. قىلمىسكەردى ەكستراديتسيالاۋ ماسەلەلەرى مينسك كونۆەنتسياسىنا سايكەس شەشىلەتىن بولادى.