سانيتاريالىق - ەپيدەميولوگيالىق باقىلاۋ كوميتەتى 1 ساۋىردە حالىقارالىق اۆيارەيستەرمەن كەلگەن جولاۋشىلار بويىنشا اقپارات تاراتتى, دەپ حابارلايدى Egemen.kz.
كەشە ەلىمىزگە گەرمانيا, مالديۆ رەسپۋبليكاسى, ءباا, مىسىر, يران, تۇركيا, ۋكراينا, رەسەي فەدەراتسياسى, ازەربايجان, وزبەكستان جانە قىرعىزستاننان 37 حالىقارالىق اۋە رەيسى كەلدى.
4 685 اۋە جولاۋشىلارىنىڭ ىشىندە پتر-تەستىلەۋدىڭ تەرىس ناتيجەسى بار انىقتامامەن 4 675 ادام, انىقتاماسىز 10 قازاقستان ازاماتى كەلدى. ونىڭ ىشىندە: الماتى قالاسىنىڭ اۋەجايىنا – 17 رەيس, 2 324 جولاۋشى, انىقتامامەن - 2314, انىقتاماسىز – 10;
نۇر-سۇلتان قالاسىنىڭ اۋەجايىنا – 10 رەيس, بارلىق 1 293 جولاۋشى انىقتامامەن كەلگەن;
شىمكەنت قالاسىنىڭ اۋەجايىنا – 9 رەيس, 1 009 جولاۋشى انىقتامامەن كەلگەن;
اقتاۋ قالاسىنىڭ اۋەجايىنا – 1 رەيس, بارلىق 59 جولاۋشى انىقتامامەن كەلگەن.
انىقتاماسىز كەلگەن قازاقستان ازاماتتارى كەلگەن جەرلەرى بويىنشا COVID-19-عا پتر-تالداۋ ادىسىمەن تەستىلەندى جانە كارانتيندىك ستاتسيونارلاردا ءوز ناتيجەلەرىن كۇتۋدە.
سونداي-اق 31 ناۋرىزدا شەتەلدەن انىقتاماسىز كەلگەن 29 قازاقستان ازاماتىنىڭ پتر-تالداۋلارى تەرىس ناتيجە كورسەتتى.
سونىمەن قاتار 31 ناۋرىزدا تاشكەنت – الماتى اۆيارەيسىمەن پتر انىقتاماسىز ۇشىپ كەلگەن وزبەكستان ازاماتى الماتى قالاسىنىڭ اۋەجايىنان دەپورتاتسيالاندى.