جالپى ەلىمىزدە اۋتيزمگە شالدىققان 6 مىڭ بالا بار. ءبىلىم بەرۋ ۇيىمدارىندا ەرەكشە ءبىلىم بەرۋ قاجەتتىلىگى بار بالالاردىڭ 96,58%-ى تاربيە, وقىتۋ جانە تۇزەتۋ-پەداگوگيكالىق قولداۋمەن قامتىلعان. ءاۋتيزمى بار بالالاردى جالپى ءبىلىم بەرۋ پروتسەسىنە تارتۋعا كوپ كوڭىل بولىنەدى. 2020 جىلدان باستاپ مەكتەپتەردە ءاۋتيزمى بار بالالاردى وقۋ پروتسەسىندە سۇيەمەلدەيتىن پەداگوگ-اسسيستەنت لاۋازىمى ەنگىزىلدى.
بعم ەرەكشە ءبىلىم بەرۋ قاجەتتىلىگى بار بالالارمەن, ونىڭ ىشىندە ءاۋتيزمى بار بالالارمەن جۇمىس بويىنشا ارنايى پەداگوگتەردى دايارلاۋ بويىنشا جۇمىس جۇرگىزىپ جاتىر. جوعارى وقۋ ورىندارىنداعى پەداگوگيكالىق ماماندىقتاردىڭ ءبىلىم بەرۋ باعدارلامالارىنا ارنايى مودۋلدەر ەنگىزىلگەن.سونداي-اق جالپى ءبىلىم بەرۋ ۇيىمدارىندا ينكليۋزيۆتى ءبىلىم بەرۋ ءۇشىن جاعداي جاساۋ بويىنشا جۇمىس جۇرگىزىلىپ جاتىر. 2025 جىلعا قاراي مەكتەپكە دەيىنگى ۇيىمدار مەن ەرەكشە ءبىلىم بەرۋ قاجەتتىلىگى بار جانداردى, ونىڭ ىشىندە ءاۋتيزمى بار بالالاردى قابىلداۋعا دايىندالعان مەكتەپتەردىڭ ۇلەسىن 70%-عا دەيىن, ال كوللەدجدەر مەن جوو-لاردىڭ ۇلەسىن 100%-عا دەيىن ارتتىرۋ جوسپارلانعان.