بۇگىن بىشكەكتە قازاقستاننىڭ قىرعىز رەسپۋبليكاسىنداعى توتەنشە جانە وكىلەتتى ەلشىسى ق. نۇرپەيىسوۆ قىرعىز رەسپۋبليكاسىنىڭ قوعام قايراتكەرى, كينورەجيسسەر, پروديۋسەر C.شەر-نيازمەن كەزدەستى, دەپ جازادى Egemen.kz قىرعىزستانداعى قازاقستاننىڭ ەلشىلىگى تاراتقان دەرەككە سىلتەمە جاساپ.
ەلشى ق. نۇرپەيىسوۆ قازاقستان مەن قىرعىزستان اراسىنداعى مادەني بايلانىستاردىڭ قازىرگى وڭ سەرپىنىن اتاپ ءوتتى, وتكەن جىلى بىشكەكتە اباي قۇنانباي ۇلى اتىنداعى مادەني ورتالىق اشىلعانىن, قر مادەنيەت ءمينيسترى ا. رايىمقۇلوۆانىڭ قىرعىزستانعا ساپارىن تىلگە تيەك ەتتى. وعان قوسا, ەكى ەلدىڭ كينو ونەرى سالاسىنداعى قول جەتكىزگەن جەتىستىكتەرى دە نازاردان تىس قالعان جوق.
ءوز كەزەگىندە س. شەر-نياز جىل سايىن ءداستۇرلى تۇردە وتكىزىلىپ كەلە جاتقان ەكى ال اراسىنداعى اقىندار ايتىسى, كوركەم جانە دەرەكتى كينو سالاسىنداعى, جانە باسقا دا مادەني بايلانىستار تۋرالى ماسەلەلەرگە جان-جاقتى توقتالىپ ءوتتى.
كەزدەسۋ سوڭىندا تاراپتار قازاقستان مەن قىرعىزستان اراسىنداعى بايلانىستاردى ودان ءارى نىعايتىپ, دامىتۋ, ونىڭ ىشىندە بىرلەسكەن ءىس-شارالار وتكىزۋ بويىنشا پىكىر الىستى.