پەتروپاۆل قالاسىنىڭ ايەل تۇرعىنى ءوز اتىنا بىرەۋدىڭ 60 مىڭ تەڭگەلىك شاعىن نەسيە رەسىمدەپ, سازعا وتىرعىزىپ كەتكەنىن ايتىپ, پوليتسياعا شاعىنعان. پوليتسيانىڭ كۇدىگى ونىڭ 31 جاستاعى ۇلىنا تۇسەدى. ەسىرتكىگە تاۋەلدى جىگىت بۇرىن م ۇلىكتىك قىلمىس جاساعانى ءۇشىن ءىستى بولعان. ايەلدىڭ تەلەفونى تەك ۇلىنا عانا قولجەتىمدى, سونداي-اق ول اناسىنىڭ بانك كارتاسىنىڭ پين-كودىن بىلگەن. سوندىقتان ءبىرىنشى كەزەكتەگى كۇدىككە سول جىگىتكە ىلىگەدى.
جەدەل-ىزدەستىرۋ ءىس-شارالارى بارىسىندا ونىڭ قىلمىسقا قاتىستىلىعى انىقتالدى. اتالعان فاكتى بويىنشا قىلمىستىق كودەكسىنىڭ 190-بابى -«الاياقتىقپەن» ءىس قوزعالىپ, سوتقا دەيىنگى تەرگەپ-تەكسەرۋ جۇمىستارى باستالدى. كۇدىكتىگە قاتىستى مىندەتتى كەلۋ تۇرىندەگى ماجبۇرلەۋ شاراسى تاعايىندالدى. «ىشتەن شىققان جاۋ جامان» دەگەن وسى بولار.