ەلوردالىق جەتى قالامگەر قازاقستان جازۋشىلار وداعىنىڭ مۇشەسى اتاندى.
وداقتىڭ باسقارما توراعاسى ۇلىقبەك ەسداۋلەت نۇر-سۇلتان قالاسىنداعى جازۋشىلار ۇيىندە يمانعازى نۇراحمەت ۇلى, سەرىكزات دۇيسەنعازى, ىقىلاس وجاي, ۇلاربەك دالەي, ەربول بەيىلحان, تولقىن اقان ۇلىنا مۇشەلىك بيلەتتەرىن تاپسىردى. ونىڭ ىشىندە حالىقارالىق «شابىت» جاستار فەستيۆالىنىڭ لاۋرەاتى, «Egemen Qazaqstan» گازەتى مادەنيەت ءبولىمىنىڭ مەڭگەرۋشىسى, اقىن ميراس اسان دا بار.
جالپى, قازىرگى تاڭدا ەلوردادا جازۋشىلار وداعىنىڭ 140-تان استام مۇشەسى تىركەلگەن. مىنە, ولاردىڭ قاتارى جاڭا بۋىنمەن تولىعىپ وتىر. ءىس-شارا اياسىندا جازۋشىلار وداعىنىڭ حاتشىسى, مەملەكەتتىك سىيلىقتىڭ لاۋرەاتى, اقىن نەسىپبەك ايت ۇلى, ەلوردالىق فيليال ديرەكتورى داۋلەتكەرەي كاپ ۇلى قالامگەرلەرگە شىعارماشىلىق تابىس تىلەپ, ادەبيەتكە ومىرشەڭ تۋىندىلار قوساتىنىنا سەنىم ءبىلدىردى.