ءدارى جارناماسى دۇرىس بولۋى ءتيىس

سونىمەن قاتار جارناما پرەپاراتتىڭ فار­ما­كولوگيالىق قاسيەتتەرى مەن ەمدىك كورسەتكىشتەرىن جانە مەديتسينالىق بۇيىمداردى قولدانۋ اياسىن تۇتىنۋشىلاردىڭ سەنىمىن تەرىس پايدالانۋ ارقىلى اسىرا كورسەتپەۋى كەرەك. جارنامالاناتىن ءدارى-دارمەكتەر مەن مەديتسينالىق بۇيىمداردى باسقا تاۋارلارمەن سالىستىرۋعا بولمايدى.

جارناما ماتەريالدارىنىڭ زاڭناماعا سايكەستىگىن باعالاۋدى دارىلىك زاتتار مەن مەديتسينالىق بۇ­يىمداردى ساراپتاۋ ۇلتتىق ورتالىعى جۇرگىزەدى. ول ءۇشىن قۇجاتتار ۇلتتىق ورتالىقتىڭ ءوتىنىش بەرۋشىلەرگە قىزمەت كورسەتۋ ورتالىعىنا ۇسىنىلادى. بۇل رەتتە ءدارى-دارمەك جارناماسىندا ساۋدالىق اتاۋى, حالىقارالىق پاتەنتتەلمەگەن اتاۋى نەمەسە قۇرامىنداعى بەلسەندى كومپونەنتتەرى تۋرالى مالىمەتتەر عانا ەمەس, سونىمەن قاتار قولدانۋعا جانە قارسى كورسەتىلىمدەرى, جاعىمسىز اسەرى, قولدانۋ ءتاسىلى مەن دوزالارى, ساتىلۋ شارتتارى, بالالارعا, جۇكتى ايەلدەرگە, سونداي-اق بالا ەمىزۋ كەزىندە قولدانۋعا قاتىستى نۇسقاۋ بولۋى ءتيىس. سونداي-اق تىركەۋ كۋا­لىگىنىڭ ءنومىرى مەن بەرىلگەن كۇنى, تىركەۋ مەرزىمىنىڭ وتەتىن كۇنى, ءوندىرۋشىنىڭ نەمەسە قازاقستانداعى ساۋ­دا وكىلىنىڭ اتاۋى مەن مەكەنجايى مىندەتتى تۇردە كورسەتىلەدى.

مەديتسينالىق بۇيىمداردىڭ جارناماسىندا ساۋ­دا اتاۋىنان باسقا, قولدانۋدىڭ نەگىزگى كور­سە­تىلىم­دەرى, جاناما اسەرلەرى مەن قارسى كور­سە­تىلىمدەرى, ءوندىرۋشىنىڭ نەمەسە قازاقستانداعى وكىل­دىڭ اتاۋى مەن مەكەنجايى, تىركەۋ كۋالىگىنىڭ ءنومىرى مەن بە­رىلگەن كۇنى جانە تىركەۋ مەرزىمىنىڭ وتەتىن كۇنى كور­سە­تىلەدى. مىندەتتى تۇردە ء«وز بەتىمەن ەمدەلۋ دەن­ساۋ­لى­عىڭىزعا زياندى بولۋى مۇمكىن» دەگەن ەسكەرتۋ ءما­تىنى بولۋى ءتيىس.

ساراپتاما جاساۋ ۇيىمى جارنامانى جۇزەگە اسىرۋ قاعيدالارىنىڭ تالاپتارىنا سايكەسسىزدىكتەردى انىقتاعان جاعدايدا, ءوتىنىش بەرۋشىگە تۇزەتۋلەر تۋرالى ەسكەرتۋ حاتى جىبەرىلەدى. ەگەر حاتقا جاۋاپ كەلمەسە نەمەسە تالاپ ەتىلەتىن تۇزەتۋلەر ەنگىزىلمەسە, جارناماعا قورىتىندى بەرىلمەيدى.

ايتا كەتەيىك, جىل سايىن دزسۇو جارناما ماتەريالدارىن باعالاۋ بويىنشا 650-دەن استام قورىتىندى بەرەدى.