شىمكەنت قالاسىنىڭ اكىمى ديزەلدى گەنەراتور وندىرەتىن زاۋىت جۇمىسىمەن تانىستى, دەپ حابارلايدى Egemen.kz
شىمكەنت قالاسىنداعى «تاسساي» يندۋستريالدى ايماعىندا ديزەلدى گەنەراتور شىعاراتىن «New Technology Ltd» جشس ورنالاسقان. وندا جىلىنا 300 دانا ديزەلدى گەنەراتور وندىرىلەدى.
قالا اكىمى مۇرات ايتەنوۆ اتالعان مەكەمەنىڭ جۇمىسىمەن تانىستى. جوبا 2018-2020 جىلدارى جۇزەگە استى. قۇنى – 300 ملن تەڭگە. قازىر مۇندا 30 ادام تۇراقتى جۇمىسپەن قامتىلعان. ء ونىمنىڭ 70 پايىزى – ىشكى نارىقتا ساۋدالانسا, قالعان 30 پايىزى وزبەكستان ەلىنە ەكسپورتتالادى.
كاسىپورىندا التەرناتور, ديزەلدى قوزعالتقىش, مەتالل, پورولون, شلانگ سەكىلدى قوسالقى بولشەكتەر دە وندىرىلەدى. «بيزنەستىڭ جول كارتاسى-2020» باعدارلاماسىمەن يندۋستريالدى ايماقتان 1 گەكتار جەر بولىنگەن بولاتىن.
زاۋىتتىڭ جۇمىسىمەن تانىسقان شاھار باسشىسى جۇمىسشى سانىن جانە ءونىم كولەمىن ارتتىرۋ قاجەتتىگىن ايتتى. سونىمەن بىرگە, مەملەكەتتىك مەكەمەلەردى – اۋرۋحانالار مەن مەكتەپتەردى جەرگىلىكتى ءوندىرىلىپ جاتقان ديزەلدى گەنەراتوردى تۇتىنۋعا شاقىرۋ كەرەك دەپ ءتيىستى باسشىلارعا تاپسىرما جۇكتەدى.