تۇركىستان قالاسىنداعى قوجا احمەت ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ بوتانيكالىق باعىندا وتىرعىزىلعان 3000 ءتۇپ نازارباەۆ قىزعالداعى گۇلدەدى, دەپ حابارلايدى ەgemen.kz.
«پرەزيدەنت نازارباەۆ» دەپ اتالاتىن قىزعالداقتىڭ جاڭا سۇرىپى بىلتىر ەگىلگەن.
تۇركى ەلدەرىنىڭ سامميتىنە وراي نازارباەۆ قىزعالداعىن ارنايى جىلىجايدا ءوسىرۋ جانە كۇتىم جاساۋ اۋىل شارۋاشىلىعى عىلىمدارىنىڭ دوكتورى, پروفەسسور امانگەلدى اپۋشەۆ جانە بيولوگيا عىلىمدارىنىڭ كانديداتى باحادۋر يۋسۋپوۆتىڭ جەتەكشىلىگىمەن جۇزەگە اسۋدا. الداعى ۋاقىتتا قىزعالداق سانىن ەداۋىر ارتتىرۋ كوزدەلگەن. «قازاقستان – قىزعالداقتىڭ وتانى بولىپ سانالاتىنىن عالىمدار دالەلدەگەن جانە ەلباسى ءوزىنىڭ « ۇلى دالانىڭ جەتى قىرى» ماقالاسىندا دا ەرەكشە اتاپ ءوتتى. قازاقستان جەرىنەن العاش رەت دالا قىزعالداقتارى XVIII عاسىردا تۇرىك پاديشاحتارى ارقىلى تۇركياعا, ودان ءارى اۆستريا مەن گوللاندياعا تاراتىلدى. قازىرگى كەزدە گوللانديا ەلى قىزعالداقتىڭ ءتۇرلى سورتتارىن شىعارۋدا. ەلباسى ن.نازارباەۆتىڭ ماقالاسى شىققاننان كەيىن, گوللانديادا 3 ءتۇرلى سورتتى قىزعالداقتىڭ ءتۇرى دايىندالدى. اتاپ ايتقاندا, «پرەزيدەنت نازارباەۆ», «رەسپۋبليكا كازاحستان», «استانا» سورتتارى», دەيدى باحادۋر يۋسۋپوۆ.
تۇركىستان قالاسىنىڭ تۇرعىندارى مەن قوناقتارى ەلباسى اتىمەن اتالاتىن اسەم قىزعالداق گ ۇلىن ۋنيۆەرسيتەتتىڭ بوتانيكالىق باعىنان تاماشالاي الادى. ۋنيۆەرسيتەت عالىمدارىنىڭ قىزعالداق ءوسىرۋدىڭ زاماناۋي تەحنولوگيالارىن يگەرۋىنىڭ ارقاسىندا بيىلعى جىلى بوتانيكالىق باقتا قىزعالداقتىڭ 7 سورتى ءوسىرىلىپ, گۇلدەدى. سونداي-اق قىزعالداق گ ۇلىنىڭ جاڭا سۇرىپتارىن شىعارۋ باعىتىندا دا زەرتتەۋ جۇمىستارى جۇرگىزىلۋدە.