ماڭعىستاۋ وبلىسى قوعامدىق كوممۋنيكاتسيالار ورتالىعىندا وتكەن بريفينگتە ءوڭىردىڭ سانيتاريالىق-ەپيدەميالىق باقىلاۋ دەپارتامەنتىنىڭ باسشىسى عازيز نادۋەۆ ماڭعىستاۋ وبلىسىنا ۆاكتسينالاۋ باستالعاننان بەرى 8 مىڭ دانا ەكپە جەتكىزىلگەنىن ءمالىم ەتتى, دەپ حابارلايدى Egemen.kz
بۇگىنگى تاڭدا وڭىردە 16 ەگۋ پۋنكتىندە 7 كابينەت جۇمىس ىستەپ تۇر.
«سپۋتنيك-V» ۆاكتسيناسىنىڭ ءبىرىنشى كومپونەنتىنىڭ 4500 دوزاسى جانە «سپۋتنيك-V» ۆاكتسيناسىنىڭ 2 كومپونەنتىنىڭ 3500 دوزاسى – 18 گرادۋستا بارلىق ساقتىق رەجيمىن ساقتاي وتىرىپ, وبلىسقا جەتكىزىلدى», دەدى عازيز نادۋەۆ. بۇگىنگى تاڭدا ماڭعىستاۋ وبلىسىندا ۆاكتسيناتسيالانعان ادامداردىڭ سانى – 2155.
«قازىرگى كۇنى كوروناۆيرۋسقا قارسى 1 كومپونەنتپەن 1625 ادام, 2 كومپونەنتپەن 530 ادام ۆاكتسيناتسيالاندى. ايتا كەتۋ كەرەك, قازاقستاندا ۆاكتسيناتسيادان باس تارتقانى ءۇشىن اكىمشىلىك نەمەسە قىلمىستىق جاۋاپكەرشىلىك قاراستىرىلماعان», دەدى ماڭعىستاۋ وبلىسى سانيتارلىق-ەپيدەميولوگيالىق باقىلاۋ دەپارتامەنتىنىڭ باسشىسى عازيز نادۋەۆ.
عازيز نادۋەۆتىڭ ايتۋىنشا, يممۋنداۋدان كەيىنگى اسقىنۋلار مەن رەاكتسيالار تىركەلگەن جوق. 2021 جىلدىڭ ەكىنشى توقسانىنان باستاپ وتاندىق «QazCovid-In» پرەپاراتىمەن ۆاكتسينالاۋ جوسپارلانعان.