سۋ باسىپ قالۋ قاۋپىنىڭ الدىن الۋ جانە ونىڭ زارداپتارىن جويۋعا قاتىستى جۇيەلى مونيتورينگ جۇرگىزۋ جانە ناقتىلى شارالاردى ۇيىمداستىرۋ ءۇشىن تجد شاھارداعى ءجيى سۋ باسىپ قالاتىن 17 ۋچاسكەنى ەسەپكە الدى.
بۇگىنگى كۇنى الماتى قالاسىنىڭ ازاماتتىق قورعاۋ قىزمەتتەرىنىڭ كۇشتەرى مەن قۇرالدارى (ارنايى تەحنيكا) جاۋىن-شاشىن باستالعانعا دەيىن ءجيى سۋ باساتىن ۋچاسكەلەرگە دەر كەزىندە جەتكىزىلدى, ينەرتتى ماتەريالدار ازىرلەندى."الماتىداعى سۋ باسىپ قالۋ قاۋپىنىڭ الدىن الۋ قالا قىزمەتتەرىنىڭ باقىلاۋىندا", دەيدى ماماندار.
2021 جىلدىڭ 29 ناۋرىزى كۇنى ساعات 17.00-دە سۋ باسىپ قالۋ جاعدايىنىڭ 6 وقيعاسى تىركەلدى. توتەنشەلىكتەردىڭ شۇعىل ارەكەتىمەن ونىڭ 5-ءى قالپىنا كەلتىرىلدى:
1) جەتىسۋ اۋدانى بورزوۆ كوشەسى سۋدان تازاردى. «الماتى تازالىق» قكك قىزمەتكەرلەرى اتالعان ۋچاسكەگە 40 قاپ توسەدى, جۇمىس ويداعىداي اياقتالدى;2) اچينسكي كوشەسى سۋدان تازارتىلدى, مۇندا «الماتى تازالىق» قكك جۇمىس (1 يلوسوس, 2 ادام) جاسادى; 3) الاتاۋ اۋدانى مەحانيكا,212 كوشەسى سۋدان تازارتىلدى, «الماتى تازالىق» قكك قىزمەتكەرلەرى اتالعان ۋچاسكەدە جۇمىس جاساۋدا, ارىق جەلىلەرى تازارتىلۋدا; 4) تۇركسىب اۋدانى مايلين كوشەسى, 222 مەكەنجايدا كوپقاباتى ءۇيدىڭ اۋلاسىنا سۋ تولىپ كەتتى, «الماتى تازالىق» قكك جۇمىس جاسادى, قازىر اۋلا سۋدان تازارتىلدى;5) جەتىسۋ اۋدانى جانگەلدى كوشەسى, 214 مەكەنجايدا جەكە مەنشىك ءۇيدىڭ اۋلاسىن سۋ باسىپ قالدى, سۋدى سورۋ ءۇشىن 100 قاپ توسەلدى, مۇندا 109 قۇتقارۋ قىزمەتى جۇمىس جاساۋدا. قازىرگى كەزدە الاتاۋ اۋدانى ارالقۇم, 22 كوشەسى سۋدان تازارتىلۋدا, مۇندا«الماتى سۋ» قكك-نىڭ «يلوسوس» تەحنيكاسى جۇمىس ىستەپ تۇر.
اتاپ وتەرلىك جايت,ناۋرىز ايىندا جاۋىن-شاشىننىڭ نورماسى 76 مم قۇرادى, وسى ايدىڭ باسىنان بەرى 86,2 مم جاۋىن-شاشىن بولدى.