قاراعاندى وبلىسىندا ناۋرىز مەرەكەسى قارساڭىندا قالا جانە اۋىل تۇرعىندارى باسپانالى بولدى. جالعا بەرىلەتىن تۇرعىن ءۇي «نۇرلى جەر» مەملەكەتتىك باعدارلاماسى بويىنشا بولىنگەن, دەپ حابارلايدى Egemen.kz
توپار اۋىلىندا 18 پاتەرلى ءۇي سالىندى. اتاپ ايتقاندا الەۋمەتتىك قورعالاتىن ساناتتاعى كەزەكتە تۇرعاندار: از قامتىلعان جانە كوپ بالالى وتباسىلار, جەتىم بالالار جانە باسقالار پاتەر الدى.
جاڭاارقاداعى «جاڭا نۇر» شاعىن اۋدانىندا پايدالانۋعا بەرىلگەن جاڭا ۇيدەن 16 وتباسىنا كىلت تاپسىرىلدى.
ال پريوزەرسك قالاسىندا ون وتباسى باسپانالى بولدى.قاراعاندى وبلىسىندا بيىل 662 مىڭ شارشى مەتر تۇرعىن ءۇي سالۋ جوسپارلانىپ وتىر – بۇل 2020 جىلعا قاراعاندا 25% كوپ.
ونىڭ ىشىندە مەملەكەتتىك تۇرعىن ءۇي 165 مىڭ شارشى مەتردى قۇرايدى. كەزەكتە تۇرعان 2 900 ادام پاتەرمەن قامتاماسىز ەتىلەدى دەپ كۇتىلۋدە.