كەشە 22 ناۋرىزدا الماتى قالاسىنداعى رەسپۋبليكا سارايىنىڭ الدىنان 300 درون ۇشىرىلدى, دەپ حابارلايدى Egemen.kz
الماتى تۇرعىندارى تۇنگى اسپاننان: «الماتى سىزدەرمەن بىرگە», «ناۋرىز مەرەكەسى قۇتتى بولسىن», «كاك تەبە تاكوە, يلون ماسك» دەگەن جازۋدى, سونداي-اق شاڭىراق, قازاقستان كارتاسى مەن گۇلدى تاماشالادى.
الماتىلىقتار ەرەكشە كورىنىستى ۆيدەوعا ءتۇسىرىپ, الەۋمەتتىك جەلىلەردە ءبولىستى. ۇيىمداستىرۋشىلاردىڭ ايتۋىنشا, بۇل – قازاقستانداعى العاشقى دروندار شوۋى.
ء«بىز قازاقستاندىقتاردى ناۋرىز مەيرامىمەن قۇتتىقتاعىمىز كەلدى, بىراق پاندەميا مەن لوكداۋن جاعدايىندا ونى جۇزەگە اسىرۋ وڭاي بولعان جوق. سوندىقتان تۇنگى اسپاندا جارىق شوۋىن ۇيىمداستىرۋ يدەياسى كەلدى. ءبىز بۇل شوۋ ارقىلى الماتىلىقتارعا توسىنسىي جاساعىمىز كەلگەن. الايدا, ءبىزدىڭ دايىندىق جۇمىستارىمىزدى بىرەۋلەر ۆيدەوعا ءتۇسىرىپ, الەۋمەتتىك جەلىدە تاراتىپ جىبەرىپتى. سوندىقتان قالا تۇرعىندارى بۇل شوۋدى تاعاتسىزدانا كۇتتى. ءبىزدىڭ ماقساتىمىز – قازاقستان حالقىن تاڭعالدىرىپ, قۋانتۋ بولدى. پاندەميانىڭ بارلىق قيىندىقتارىنا قاراماستان, ءبىز بىرگەمىز. يدەياعا سەنىپ, جوبانى قولداعانى ءۇشىن الماتى اكىمدىگىنە العىسىمىزدى بىلدىرەمىز», دەدى قازاقستانداعى ۇيالى بايلانىس وپەراتورىنىڭ ماركەتينگ جونىندەگى ديرەكتورى ماكسيم تسۆىكوۆ.