ناۋرىز مەيرامى قارساڭىندا قوستانايداعى مۇمكىندىگى شەكتەۋلى جاندار مەن تۇرمىسى تومەن جانە كوپ بالالى وتباسىلارعا مەرەكەلىك بازارلىق رەتىندە ازىق-ت ۇلىك سەبەتتەرى تاراتىلا باستادى. مەيىرىم-شۋاققا تولى ۇلىستىڭ ۇلى مەرەكەسىنە وراي ۇيىمداستىرىلعان جاناشىرلىق شاراسىن «حالىق» قايىرىمدىلىق قورى مەن ۆولونتەرلار جۇزەگە اسىرۋدا.
ازىق-ت ۇلىك سەبەتتەرىن مۇقتاج جانداردىڭ مەكەنجايىنا «جاناشىر بول», «گرين» قوعامدىق قورلارى مەن «10-رەگيون» ىزدەستىرۋ جاساعىنىڭ وكىلدەرى, سونداي-اق, ستۋدەنتتەر جەتكىزىپ بەرىپ جاتىر.
مىسالى, «جاناشىر بول» قق-نىڭ ەرىكتىلەرى ءبىر كۇندە ەرەكشە قاجەتتىلىككە يە بالالاردى تاربيەلەپ وتىرعان 15 وتباسىنا ازىق-ت ۇلىك جەتكىزىپ بەردى.
قايىرىمدىلىق اكتسياسىن ۇيىمداستىرۋشىلاردىڭ ايتۋىنشا, مۇقتاج تۇرعىندارعا ۇلەستىرىلگەن ءار سەبەتتە 5 كگ قاراقۇمىق جارماسى, 5 كگ كۇرىش, 10 كگ قانت, 10 كگ ماكارون, 10 كگ ۇن, 5 ليتر كۇنباعىس مايى, 2 كگ قارا شاي, 1,6 كگ كونسەرۆىلەنگەن ەت جانە 2 كيلو كامپيت بار.
اكتسيانىڭ العاشقى كۇنى 50 شاقتى ۆولونتەر 100-دەن استام مەكەنجايعا ازىق-ت ۇلىك جەتكىزدى. قايىرىمدىلىق شاراسى اياسىندا ناۋرىز مەرەكەسى كۇندەرى 1000-نان استام وتباسى ازىق-ت ۇلىك الاتىن بولادى.