قر ەكولوگيا, گەولوگيا جانە تابيعي رەسۋرستار مينيسترلىگى, «قازمۋنايگاز» جانە «قازگەولوگيا» قازاقستان گەولوگياسىنا شەتەلدىك ينۆەستيتسيالاردى تارتۋ بويىنشا جۇمىس ىستەيتىن بولادى, دەپ حابارلايدى ەgemen.kz
قر ەكولوگيا, گەولوگيا جانە تابيعي رەسۋرستار مينيسترلىگى, «قازمۇنايگاز ۇلتتىق كومپانياسى» اق جانە «قازگەولوگيا» ۇلتتىق گەولوگيالىق بارلاۋ كومپانياسى» اق ەل اۋماعىنىڭ گەولوگيالىق زەرتتەلۋىن ارتتىرۋ سالاسىنداعى ىنتىماقتاستىق تۋرالى كەلىسىمگە قول قويدى.
وسىلايشا, تاراپتار قازاقستاننىڭ از زەرتتەلگەن شوگىندى باسسەيندەرىندەگى كومىرسۋتەك قورلارىن باعالاۋ ماقساتىندا گەولوگيالىق بارلاۋ جۇمىستارىن جۇرگىزۋ ءۇشىن ينۆەستورلار تارتۋ بويىنشا كۇش-جىگەردى شوعىرلاندىرۋدى جوسپارلاپ وتىر. شارالاردىڭ وزەكتىلىگى قازاقستاننىڭ جەر قويناۋى بۇگىنگى كۇنى تولىق زەرتتەلمەگەندىگىمەن جانە جاڭا اشىلۋلار ءۇشىن ەلەۋلى پەرسپەكتيۆالاردىڭ بولۋىمەن بايلانىستى.
مىسالى, كومىرسۋتەكتەر بويىنشا گەولوگتار بولجامدى بالامالى وتىن قورى شامامەن 76 ملرد.توننانى قۇرايتىن 15 شوگىندى باسسەيندى انىقتادى, ونىڭ ىشىندە الدىن الا باعالاۋ بويىنشا شامامەن 4,5 ملرد. تونناسى از زەرتتەلگەن شوگىندى باسسەيندەردە.
ماعزۇم مىرزاعاليەۆتىڭ ايتۋىنشا, كەلىسىمگە قول قويۋ سالانىڭ ودان ءارى دامۋىنا ىقپال ەتەدى.
«مينيسترلىك پرەزيدەنت پەن ۇكىمەتتىڭ ەلدىڭ گەولوگيالىق زەرتتەلۋىن ارتتىرۋ جانە شەتەلدىك ينۆەستيتسيالاردى تارتۋ ارقىلى مينەرالدىق-شيكىزات بازاسىن تولىقتىرۋ جونىندەگى تاپسىرمالارىن ورىنداۋ شەڭبەرىندە جۇمىستى بەلسەندى جۇرگىزۋدى جالعاستىرۋدا. كەلىسىم بۇل جۇمىسقا جاڭا سەرپىن بەرەدى», دەپ اتاپ ءوتتى مينيستر.
ءساتتى ناتيجەگە قول جەتكىزۋ ءۇشىن كەلىسىم شەڭبەرىندە گەولوگيالىق زەرتتەۋ جانە بارلاۋ ءۇشىن اۋماقتار ايقىندالادى, «روۋد-شوۋ» جانە «داتا-رۋم» - گە قولجەتىمدىلىك ۇيىمداستىرىلادى, سونداي-اق جەر قويناۋىن پايدالانۋ قۇقىعىن ودان ءارى الۋ ءۇشىن ءتيىستى قۇجاتتار قابىلدانادى.
ايتا كەتەيىك, بۇل شارالار مەملەكەت باسشىسىنىڭ شەتەلدىك ينۆەستورلار كەڭەسىنە مۇشە مۇناي-گاز كومپانيالارىنىڭ باسشىلارىمەن جۇمىس كەزدەسۋىنىڭ قورىتىندىسى بويىنشا بەرگەن تاپسىرمالارىن ىسكە اسىرۋ بولىپ تابىلادى. سول كەزدە مينيسترلىك ينۆەستيتسيالىق تارتىمدىلىقتى جاقسارتۋ جانە گەولوگيالىق بارلاۋ سالاسىن دامىتۋ بويىنشا بىرقاتار ماڭىزدى باستامالاردى ۇسىنعان ەدى.
جۇمىس كەزدەسۋى قورىتىندىسى بويىنشا شەتەلدىك ينۆەستورلار كەڭەسىنىڭ مۇشەلەرىمەن بىرلەسىپ, جەر قويناۋىن گەولوگيالىق زەرتتەۋدەن ۇلتتىق كومپانيالاردىڭ ۇلەستىك قاتىسۋىمەن بارلاۋعا/وندىرۋگە كەپىلدى كوشۋ ءۇشىن تىكەلەي كەلىسسوزدەر جۇرگىزۋ قۇرالى رەتىندە قولدانىلاتىن جەر قويناۋىن گەولوگيالىق زەرتتەۋگە ارنالعان كەلىسىمدى ازىرلەۋگە جانە قولدانۋعا نەگىزدەلگەن تۇجىرىمدامالىق ءتاسىل قالىپتاستىرىلدى.
بۇل ءتاسىل ينۆەستورلارعا ينۆەستيتسيالاردىڭ نەعۇرلىم جوعارى قۇقىقتىق قورعالۋىن جانە تۇراقتىلىعىن قامتاماسىز ەتەدى, سونداي-اق كەيىننەن جاقسارتىلعان مودەلدىك كەلىسىمشارتتا كورىنىس تاباتىن بەلگىلى ءبىر سالىقتىق جانە باسقا دا پرەفەرەنتسيالاردى الۋعا مۇمكىندىك بەرەدى.