الماتىدا «باراحولكا» بازارى ورتەنىپ جاتىر, دەپ حابارلايدى Egemen.kz الماتى قالالىق توتەنشە جاعدايلار دەپارتامەتىنىڭ ءباسپاسوز قىزمەتىنە سىلتەمە جاساپ.
دەپارتامەنت مالىمەتىنشە, 19 ناۋرىز كۇنى تۇسكى ساعات 14:51-دە ءورت سوندىرۋشىلەر جەتىسۋ اۋدانى, سولتۇستىك اينالما تاس جولى 7, بايسات بازارى مەكەن-جايى بويىنشا, جوعارى دارەجەدەگى شاقىرتۋعا شىققان. ءورت سوندىرۋشىلەر وقيعا ورنىنا 3 مينۋتتا جەتىپ, بىرنەشە كونتەينەردىڭ وتقا ورانعانىن انىقتاعان. ءورت ءسوندىرۋ تەحنيكاسىنىڭ وتۋىنە جەكە اۆتوكولىكتەر كەدەرگى كەلتىرگەن. سوندىقتان «109» قۇتقارۋ قىزمەتىنىڭ ەۆاكۋاتورلارى جىبەرىلگەن-ءدى.