نۇرلان ءالىمجانوۆ نۇر-سۇلتان قالاسى اكىمدىگىنىڭ مادەنيەت باسقارماسىنىڭ باسشىسى قىزمەتىنە تاعايىندالدى. بۇل تۋرالى م.گوركي اتىنداعى ورىس دراما تەاترىنىڭ ديرەكتورى ايبولات جانعالي ۇلى حابارلادى.
نۇرلان بايانعالي ۇلى ءالىمجانوۆ 1984 جىلى 29 ساۋىردە شقو بورودۋليحا اۋدانىندا تۋعان. اكتەر, ءانشى, كومپوزيتور. قازاقستاننىڭ ەڭبەك سىڭىرگەن قايراتكەرى. قازاقستان جاستار وداعى سىيلىعىنىڭ لاۋرەاتى. قر مەملەكەتتىك ستيپەندياسىنىڭ يەگەرى.
2019-2021 جىلدارى«Nur Otan» پارتياسىنىڭ ءتىزىمى بويىنشا قر پارلامەنتى ءماجىلىسىنىڭ دەپۋتاتى بولدى.
ەسكە سالايىق, بۇعان دەيىن ەلوردانىڭ مادەنيەت باسقارماسىنا باسشىلىق ەتكەن نۇرلان سىدىقوۆ پارا الدى دەگەن كۇدىككە ءىلىنىپ, قىزمەتىنەن كەتكەن بولاتىن.