بۇگىن «باقىتتى وتباسى» ورتالىعىنىڭ جەتەكشىسى ءزۇلفيا بايساقوۆا مەن قالالىق «باقىتتى وتباسى» ورتالىعىنىڭ ۇيلەستىرۋشىسى اسەم ءبايدىلدانوۆا ءباسپاسوز بريفينگىن وتكىزىلىپ, كوپ بالالى جانە كومەككە مۇقتاج وتباسىلارىنا كورسەتىلىپ جاتقان قولداۋ شارالارى تۋرالى ەسەپ بەردى, دەپ حابارلايدى Egemen.kz
بۇگىنگى تاڭدا «باقىتتى وتباسى» ورتالىعىنىڭ بازاسىندا ءاربىر اۋداندا «ISKER ANA» باعدارلاماسى جۇزەگە اسىرىلۋدا. «ISKER ANA» باعدارلاماسىمەن كوپ بالالى انالارعا تىركەۋ, زاڭگەرلىك جانە پسيحولوگيالىق كومەكتەن باستاپ كاسىپكەرلىك نەگىزدەرى بويىنشا كۋرستارعا, بيزنەس-جوسپار قۇرۋعا, ءوز بيزنەسىن اشۋعا, گرانت نەمەسە ميكروكرەديت الۋعا دەيىن قادامدىق جۇمىس ۇسىنىلادى.
بيىلعى كوپ بالالى جانە از قامتىلعان وتباسىلاردى جۇمىسقا ورنالاستىرىپ, ءوز بيزنەسىن دامىتۋ ماقساتىندا دەمەۋشىلەر ارقىلى اۋەزوۆ اۋدانىندا توقىما جانە ازىق-ت ۇلىك ونىمدەرىن قولدان ساتۋ ءۇشىن 4 ساۋدا نۇكتەسى, اتاپ ايتقاندا, «تيگروحاۋد», «ارىستان» ساۋدا ۇيلەرىندە, «سارى-ارقا» جانە «ارىستان» بازارلارىندا ازىق-ت ۇلىك نۇكتەسى اشىلدى. المالى اۋدانىندا «الەۋمەتتىك تىگىن تسەحى» (الماتى قالاسى, جىبەك جولى كوشەسى, 135) ءوز جۇمىسىن باستادى.
سونىمەن قاتار, تۇركسىب اۋدانىندا كوپبالالى انالاردىڭ قولدان جاساعان تاۋارلارىن ساتاتىن «ىسكەر انا» ساۋدا ءۇيى (الماتى قالاسى, ءسۇيىنباي داڭعىلى, 263) اشىلدى. ساۋدا ۇيىندە زاماناۋي ستيلدەگى ۇلتتىق كوستيۋمدەر, قۇراق-كورپە, ۇلتتىق ناقىشتاعى اشەكەيلەر, ايەلدەرگە ارنالعان كيىمدەر ساتىلىمعا قويىلدى, سونداي-اق كيىمدەردى وڭدەۋ جانە جوندەۋ بويىنشا قىزمەت كورسەتۋ كوزدەلگەن.
ءزۇلفيا بايساقوۆا «باقىتتى وتباسى» ورتالىعىنىڭ ارقاسىندا مىڭعا جۋىق جۇمىس ورنى اشىلعانىن اتاپ ءوتتى.