نۇر-سۇلتان قالاسى اكىمدىگى تىلدەردى دامىتۋ جانە ارحيۆ ءىسى باسقارماسى «رۋحانيات» كوممۋنالدىق مەملەكەتتىك مەكەمەسى 17 ناۋرىز كۇنى الاڭدار مەن ساياباقتاردا, قوعامدىق ورىنداردا «ەلوردا ناۋرىزى - 2021» اكتسياسىن وتكىزدى, دەپ حابارلايدى Egemen.kz.
اكتسيانىڭ ماقساتى - ناۋرىز مەيرامىن ناسيحاتتاۋ.
شارا بارىسىندا ناسيحاتشى جاستار توبى حالىقتى ناۋرىز مەيرامىمەن قۇتتىقتادى. ناۋرىزدىڭ داستۇرلەرىنە, ۇلتتىق قۇندىلىقتارعا قاتىستى سۇراق-جاۋاپ ويىندارىن وتكىزىپ, بەلسەنە قاتىسقاندارعا قۇتتىقتاۋ سىيلىقتارىن تابىستادى. سونداي-اق جاستار ەل الدىندا ءوز ونەرلەرىن پاش ەتىپ, ولاردى مەملەكەتتىك تىلدە سويلەۋگە, ۇلتتىق قۇندىلىقتاردى قۇرمەتتەۋگە, ناۋرىزدىڭ ماڭىزدىلىعى مەن ەرەكشەلىكتەرىن تۇسىنۋگە, ءداستۇرلى مەيرامدى سەزىنۋگە شاقىردى.