ۇكىمەت وتىرىسىندا دەنساۋلىق ساقتاۋ ءمينيسترى الەكسەي تسوي رەسپۋبليكا كولىمەندە قاۋىپتى ىندەتپەن اۋىرعانداردىڭ ىشىندە وقۋشىلاردىڭ ۇلەسى 0,2% اسپايتىنىن ايتىپ بەردى, دەپ حابارلايدى Egemen.kz
«وفلاين وقىتۋدى بىرتىندەپ ىسكە قوسۋدى ەسكەرە وتىرىپ, ءبىز كۇن سايىن مەكتەپ وقۋشىلارى اراسىنداعى سىرقاتتانۋشىلىققا مونيتورينگ جۇرگىزەمىز. مەكتەپ وقۋشىلارى اراسىندا اۋىرعان جاعدايدى تىركەۋ جالعاسۋدا. رەسپۋبليكا بويىنشا كوروناۆيرۋسپەن اۋىرعانداردىڭ ىشىندە وقۋشىلاردىڭ ۇلەس سالماعى 0,2%-دان اسپايدى. قازىرگى ۋاقىتتا مەكتەپتەردەگى كارانتيندىك شارالار ايماقتارداعى سىرقاتتانۋشىلىقتى ەسكەرە وتىرىپ جانە جەكە مەكتەپتەگى جاعدايدى ەسكەرە وتىرىپ قابىلدانادى», دەيدى دەنساۋلىق ساقتاۋ ءمينيسترى الەكسەي تسوي.
ا.تسويدىڭ مالىمەتىنشە, ءبىلىم بەرۋ مەكەمەلەرىن وففلاين وقۋعا دايىنداۋ ماقساتىندا كارانتين رەجيمىنىڭ تالاپتارىنا سايكەستىگىنە قاتىستى 3266 تەكسەرۋ جۇرگىزىلىپ, 282 مەكتەپتە (8,6%) زاڭ بۇزۋشىلىقتار انىقتالدى. قازىرگى ۋاقىتتا بارلىق انىقتالعان بۇزۋشىلىقتار جويىلدى.
«سونىمەن قاتار وففلاين رەجيمدە وقيتىن ستۋدەنتتەردىڭ كوبەيۋىنە بايلانىستى, ايماقتاردىڭ اكىمدەرى سانيتارلىق-ەپيدەميولوگيالىق تالاپتاردىڭ ساقتالۋىنا جانە كۆي-ءدىڭ الدىن الۋ بويىنشا نەگىزگى ءىس-شارالاردىڭ ورىندالۋىنا تۇراقتى باقىلاۋدى قامتاماسىز ەتۋى قاجەت. مىسالى, ءبىلىم بەرۋ ۇيىمدارى تاڭەرتەڭگى «سۇزگىدەن» وتكىزۋ, قىزمەتكەرلەردىڭ ماسكا رەجىمىن ساقتاۋى, ىلعالدى تازالاۋ, زارارسىزداندىرۋ جانە باسقا شارالار اتقارىلۋى كەرەك», دەيدى ول.