بۇگىن سەناتتا «ەۋرازيالىق ەكونوميكالىق وداققا مۇشە مەملەكەتتەردىڭ تەمەكى ونىمدەرىنە اكتسيزدەر سالاسىنداعى سالىق ساياساتىن جۇرگىزۋ قاعيداتتارى تۋرالى كەلىسىمدى راتيفيكاتسيالاۋ تۋرالى» زاڭ جوباسى تالقىلاندى, دەپ حابارلايدى Egemen.kz سەناتتىڭ ءباسپاسوز قىزمەتىنە سىلتەمە جاساپ.
قارجى جانە بيۋدجەت كوميتەتىنىڭ كەڭەيتىلگەن وتىرىسىندا كەلىسىمدى راتيفيكاتسيالاۋ ەاەو مۇشەلەرىنىڭ اۋماعىندا تەمەكى اكتسيزدەرىنە سالىق سالۋدى قولدانۋدىڭ بىرىڭعاي تاجىريبەسىن قامتاماسىز ەتەتىندىگى ايتىلدى.
قۇجات 2024 جىلدان باستاپ تەمەكى ونىمدەرىنە اكتسيزدەردىڭ ينديكاتيۆتى مولشەرلەمەسىن قولدانۋدى كوزدەيدى.
تالقىلاۋ قورىتىندىسى بويىنشا قۇجاتتى پالاتانىڭ قاراۋىنا جىبەرۋ تۋرالى شەشىم قابىلداندى.