ەل تاۋەلسىزدىگىنىڭ 30 جىلدىعى قارساڭىندا «30 يگى ءىس» ۇرانىمەن «قايىرىمدىلىق ىستەر مارافونى» جوباسى اياسىندا, نۇر-سۇلتان قالاسى اكىمدىگىنىڭ «استانا جاستارى», نۇر-سۇلتان قالاسىنىڭ «رۋحاني جاڭعىرۋ» كەڭسەلىك جوباسىمەن بىرلەسىپ ءھام نۇر-سۇلتان قالاسى اكىمدىگىنىڭ «قۋىرشاق تەاترى» ەلورداداعى «SOS» بالالار اۋىلىنداعى تاربيەلەنۋشىلەرگە ارناپ «قاڭباق شال» قويىلىمىن قويدى.
اتالعان سپەكتاكلگە 8 بەن 18 جاس ارالىعىنداعى جەتكىنشەكتەر مەن جاسوسپىرىمدەر قاتىستى. رۋحاني كەمەلدىك پەن مادەني وسۋگە ىقپال ەتۋ, بالالاردى الەۋمەتتەندىرۋ, كوممۋنيكاتيۆتى داعدىلاردى قالىپتاستىرۋ جانە ەموتسيونالدى زياتكەرلىكتى دامىتۋ ماقساتىندا ۇيىمداستىرىلعان قويىلىم بالالاردىڭ كوڭىلىن كوتەرىپ, قىزىعۋشىلىقتارىن ارتتىردى.