ءابۋ-دابيگە ۇشىپ كەلگەن قازاقستاندىقتار مىندەتتى كارانتين شارالارىنان بوساتىلدى, دەپ حابارلايدى Egemen.kz
ءابۋ-دابي مادەنيەت جانە تۋريزم دەپارتامەنتى ەلدەردىڭ «جاسىل ءتىزىمىن» جاڭارتتى. ەندى قازاقستاننان كەلگەن جولاۋشىلار بىرىككەن اراب امىرلىكتەرىنىڭ استاناسىنا قونعاننان كەيىن مىندەتتى كارانتين شارالارىنان بوساتىلدى جانە ءابۋ-دابي اۋەجايىنا كەلگەننەن كەيىن كوروناۆيرۋسقا پتر-تەست تاپسىرۋى كەرەك.
سونداي-اق «جاسىل تىزىمگە» ماروككو, ساۋد ارابياسى, اۋستراليا, بۋتان, برۋنەي, قىتاي, گرەنلانديا, گونكونگ, يسلانديا, ماۆريكي, جاڭا زەلانديا جانە سينگاپۋر كىردى. بۇل ءتىزىم اتالعان مەملەكەتتەردىڭ ازاماتتارىنا عانا ەمەس, سول ەلدەردەن كەلەتىن جولاۋشىلارعا دا قاتىستى بولىپ وتىر.
ءابۋ-دابي شەتەلدىك تۋريستەردى وتكەن جىلدىڭ 24 جەلتوقسانىنان باستاپ كىرگىزدى, بىراق امىرلىككە كىرۋ ءۇشىن كوروناۆيرۋستىڭ الدىن الۋ شارالارى, سونىڭ ىشىندە دۋبايدان كەلگەندەر ءۇشىن دە قاتاڭ شارالار قولدانىلدى.