ۋكراينانىڭ روۆنەنسك وبلىسىندا مىسىق ءتورت ايلىق ءسابيدى تۇنشىقتىرىپ ءولتىردى, دەپ حابارلايدى "حابار 24" ارناسىنا سىلتەمە جاساپ.
بۇل تۋرالى جەدەل مەديتسينالىق كومەك كورسەتۋ ورتالىعىنىڭ Facebook-تەگى پاراقشاسىندا حابارلاندى.
وقيعا 8 ناۋرىز كۇنى وستروگ قالاسىندا بولعان. ءبۇلدىرشىننىڭ اناسى بالاسىنىڭ اربادا قوزعالىسسىز جاتقانىن كورگەن, ال نارەستەنىڭ بەتىندە مىسىق ۇيىقتاپ جاتقان.
جەدەل جاردەم قىزمەتى رەانيماتسيالىق ءىس-شارالار جاساعانىمەن, ودان ەش ناتيجە بولماعان. اۋداندىق اۋرۋحانانىڭ دارىگەرلەرى دە بالانىڭ ءولىمىن راستاعان.
قايعىلى جايت تۋرالى پوليتسياعا حابارلانعان.