«ماحاببات, قىزىق مول جىلدار» تەلەحيكاياسى ەفيرگە شىعادى

سەريال حالىق جازۋشىسى ءازىلحان نۇرشايىقوۆتىڭ ايگىلى رومانىنىڭ جەلىسى بويىنشا تۇسىرىلگەن. قالىڭ وقىرماننىڭ تۇمارىنداي بولعان شىعارما كورەرمەنگە تەلەۆيزيالىق كوركەم فيلم رەتىندە جول تارتپاق. تەلەحيكايا وقيعاسى مايداننان امان ورالعان ارداگەر جازۋشىنىڭ بەيبىت ومىردەگى تىنىس-تىرشىلىگىنەن باستاۋ الادى. باس كەيىپكەر ەربول وبرازى ارقىلى قازاق جاۋىنگەرلەرىنىڭ ەرلىگى مەن شىنايى ماحاببات سەزىمى باياندالادى. تەلەحيكايانىڭ پروديۋسەرى – ەرنار ماليكوۆ.

«20 ءبولىمدى تۋىندىعا اكتەرلەردى تاڭداۋ جاز ايلارىندا تولىقتاي ونلاين كاستينگ ارقىلى جۇرگىزىلدى. ۇمىتكەرلەردەن 7300-دەن استام فوتو, بەينەوتىنىش كەلىپ ءتۇستى. كاستينگ بارىسىندا حالىقتىڭ داۋسىمەن قاتار, ۇمىتكەرلەردىڭ اكتەرلىك شەبەرلىگى دە ەرەكشە نازارعا الىندى. اكتەرلەرلىك قۇرامدى ونلاين تاڭداۋ, حالىقتىق سيپات العان شىعارمانى كينو تىلىندە سويلەتۋ – ۇلتتىق  ارنا ءۇشىن ۇلكەن جاۋاپكەرشىلىك جانە تىڭ تاجىريبە بولدى», دەپ حابارلايدى «قازاقستان» تەلەراديوكورپوراتسياسىنىڭ ءباسپاسوز قىزمەتى.

باستى كەيىپكەرلەر ەربول مەن مەڭتايدىڭ ءرولىن  جاس اكتەر ەرمەك تۇرعانبەك پەن نارقىز ايداروۆا سومدادى. ن.ايداروۆا قازىرگى تاڭدا ت.جۇرگەنوۆ اتىنداعى ونەر اكادەمياسىنىڭ 4 كۋرس ستۋدەنتى. بۇعان دەيىن ۇلتتىق ارنانىڭ  «كۇي-عۇمىر», «عازيز جۇرەك», ء«ومىر-وزەن» تەلەحيكايالارىندا نەگىزگى رولدەردى سومداعان.  ەرمەك تۇرعانبەك ت.جۇرگەنوۆ اتىنداعى ونەر اكادەمياسىن اكتەر, تەلەديكتور ماماندىعى بويىنشا تامامداعان. «Qazaqstan» تەلەارناسىنىڭ «اۋىلداستار» تەلەحيكاياسىندا وينادى.«ماحاببات, قىزىق مول جىلدار» تەلەحيكاياسىنىڭ ساۋندترەگى ءازىلحان نۇرشايىقوۆتىڭ «قىزىل كورپە» ولەڭىنە جازىلعان. كوپشىلىككە ءالي وقاپوۆتىڭ ورىنداۋىندا جول تارتتى. https://www.youtube.com/watch?v=sI58M4oORFM