تايلاند بيلىگى شەتەلدىك تۋريستەر ءۇشىن كارانتيندى الىپ تاستاۋدى جوسپارلاپ وتىر. بۇل تۋرالى ەلدەگى تۋريزم باسقارماسىنىڭ (Tourism Authority of Thailand – TAT) تۋروپەراتورلارمەن كەزدەسۋىنەن كەيىن بەلگىلى بولدى, دەپ Egemen.kz
كەزدەسۋدە شەتەلدىك تۋريستەر ءۇشىن تايلاندقا كەلۋ شارتتارىن جەڭىلدەتۋ تالقىلانىپ, جاڭا ەرەجەلەردىڭ قاشان ەنگىزىلۋى مۇمكىن ەكەنى انىقتالدى. كەلۋشىلەر ءۇشىن مىندەتتى كارانتين شىلدەدە قىسقارتىلىپ, قازاندا تولىعىمەن جويىلادى دەپ شەشىلدى.
قازىر تايلاندقا كەلگەن تۋريستەر ALQ (Alternative Local Quarantine نەمەسە جەرگىلىكتى كارانتين) قوناقۇيلەرىنىڭ بىرىندە ءوز ەسەبىنەن 15 كۇندىك مىندەتتى كارانتيندە بولۋى كەرەك.«2021 جىلدىڭ شىلدەسىنەن باستاپ مىندەتتى كارانتين مەرزىمىن 7-10 كۇنگە دەيىن قىسقارتۋ جوسپارلانىپ وتىر. ولاردىڭ ىشىندە قوناقۇي بولمەسىندە تۋريست تەك 3-5 كۇن بولۋى كەرەك, سودان كەيىن ول قوناقۇيدىڭ بارلىق ينفراقۇرىلىمىن پايدالانا الادى. ال تات-پەن كەزدەسۋدە ايتىلعان جوسپارلارعا سايكەس, تايلاندتا 1 قازاننان باستاپ شەتەلدىك تۋريستەر ءۇشىن كارانتيندى تولىعىمەن الىپ تاستاۋ جوسپارلاندى», دەدى كەزدەسۋگە قاتىسۋشىلاردىڭ ءبىرى, تۋروپەراتور باسشىسى اندرەي سنەتكوۆ.
2021 جىلدىڭ 1 قازانىنان باستاپ تايلاندقا كىرۋ ءۇشىن تۋريسكە ۆاكتسيناتسيا تولقۇجاتىن ۇسىنۋ كەرەك نەمەسە پتر ادىسىمەن ەكى-ءۇش سىناقتان ءوتۋ كەرەك (ۇشۋعا دەيىن, ەلگە كىرۋ كەزىندە جانە تاعى باقىلاۋ تەستى).
«جاڭاشىلدىقتار قالاي ەنگىزىلىپ, قالاي جۇمىس ىستەيتىنى ازىرگە بەلگىسىز. بارلىق ماسەلە تالقىلانىپ جاتىر», دەدى سنەتكوۆ.