سيريا پرەزيدەنتى باشار اساد پەن ونىڭ جۇبايى اسما اسادتان كوروناۆيرۋس ىندەتى انىقتالدى, دەپ حابارلايدى Egemen.kz «حابار 24» ارناسىنا سىلتەمە جاساپ.
دارىگەرلەردىڭ ايتۋىنشا, ەكەۋىندە اۋرۋدىڭ بەلگىلەرى بايقالعانمەن جاعدايلارى تۇراقتى. قازىر ولار كارانتيندە ءۇي جاعدايىندا ەم قابىلداپ جاتىر. بولجام بويىنشا 3 اپتاعا دەيىن وقشاۋلانۋى مۇمكىن.
ەستەرىڭىزدە بولسا, اسما اساد 2018 جىلى ىسىك اۋرۋىنا شالدىققان بولاتىن. كەيىن دەنساۋلىعى جاقسارا باستاعان.
ايتا كەتەيىك, سيريادا 2020 جىلدىڭ قاڭتارىنان باستاپ كۇنى بۇگىنگە دەيىن شامامەن 16 مىڭعا جۋىق ادام كوروناۆيرۋس ىندەتىنە شالدىقتى. ناۋقاستاردىڭ 1 مىڭ 63-ءى وسى كەسەلدەن كوز جۇمدى.