اتىراۋ وبلىسىندا بازارلار مەن ساۋدا ۇيلەرىنىڭ كۇن سايىن جۇمىس ىستەۋىنە رۇقسات بەرىلدى. بۇل تۋرالى وبلىستىڭ باس سانيتار دارىگەرى مادەنيەت تاناۋوۆتىڭ جاڭا قاۋلىسىندا ايتىلعان, دەپ حابارلايدى Egemen.kz.
«كۇشەيتىلگەن سانيتاريالىق-دەزينفەكتسيالىق رەجيمدى, بەتپەردە كيۋ رەجيمىن, قاتاڭ تۇردە الەۋمەتتىك قاشىقتىقتى ساقتاي وتىرىپ, تولتىرىلۋىن وبەكت سىيىمدىلىعىنىڭ 30%-نان اسىرماي, 1 كەلۋشىگە 4 شارشى مەتردەن كەم ەمەس, اشىق جانە جابىق ازىق-ت ۇلىك جانە ازىق-ت ۇلىك ەمەس بازارلاردىڭ شتاتتىق رەجيمدە جۇمىس ىستەۋىنە رۇقسات ەتىلسىن» دەلىنگەن قاۋلىدا.
سونداي-اق, جاڭا قاۋلىعا سايكەس, ءدال وسىنداي تالاپپەن ساۋدا ۇيلەرى مەن ورتالىقتارىنىڭ (پاۆيلوندار, بۋتيكتەر), ساۋدا جەلىلەرىنىڭ جۇمىس ىستەۋىنە رۇقسات بەرىلىپ وتىر.
قاۋلى 9 ناۋرىزدا ساعات 00:00-دە زاڭدى كۇشىنە ەنەدى.