الماتى قالاسىندا تاعى ءبىر قايعىلى جول اپاتى بولدى. ءال-فارابي داڭعىلىندا جولدان وتپەك بولعان ايەل كولىكتىڭ استىنا ءتۇسىپ, وقيعا ورنىندا قايتىس بولدى, دەپ حابارلايدى Egemen.kz.
الماتى پوليتسيا دەپارتامەنتىنىڭ مالىمەتىنشە, اپات 25 ناۋرىزدا تۇنگى ۋاقىتتا بولعان.
«Mitsubishi Delica» جۇرگىزۋشىسى شىعىس باعىتتا ءال-فارابي بويىمەن كەلە جاتىپ, روزىباكيەۆ كوشەسىمەن قيىلىسقان جەردە جولدان ءوتىپ بارا جاتقان ايەلدى سوقتى. جابىرلەنۋشى سول جەردە كوز جۇمدى», دەدى پوليتسيا وكىلدەرى.
بۇل فاكتى بويىنشا قىلمىستىق ءىس قوزعالىپ, تەرگەۋ ءجۇرىپ جاتىر.
ەسكە سالايىق, 21 ناۋرىزدا تۇندە ءال-فارابي داڭعىلىندا جول اپاتى بولدى. باتىس باعىتتا كەلە جاتقان Zeekr كولىگى قارسى باعىتقا شىعىپ, شىعىس باعىتتا كەلە جاتقان Mercedes كولىگىن سوقتى. Mercedes جۇرگىزۋشىسى مەن ەكى جولاۋشىسى – 22 جانە 20 جاستاعى قىزدار وقيعا ورنىندا قايتىس بولدى. Zeekr جۇرگىزۋشىسى امان قالدى جانە اۋرۋحاناعا جاتقىزىلدى.
الماتى كوشەلەرىندە تۇنگى اۆتوجارىستار جيىلەدى: پوليتسيا باقىلاۋدى كۇشەيتتى