2026 جىلدىڭ باسىنان بەرى «جاستار پراكتيكاسى» جوباسى شەڭبەرىندە ەلىمىزدە جاستاردى جۇمىسپەن قامتۋ بەلسەندى جۇرگىزىلىپ جاتىر. جوبا شەڭبەرىندە بيىل 25 مىڭ جاس ازاماتتى جۇمىسپەن قامتۋ شارالارى جوسپارلانىپ وتىر, دەپ جازادى Egemen.kz.
اتالعان باعدارلامانىڭ ماقساتى – جاسى 35-تەن اسپاعان, ءبىلىم بەرۋ ۇيىمدارىنىڭ جۇمىسسىز تۇلەكتەرىنە ماماندىعى بويىنشا باستاپقى جۇمىس تاجىريبەسىن جيناقتاۋ. قاتىسۋ ءۇشىن مانساپ ورتالىعىنا وتىنىش بەرۋ قاجەت.
قاسىم-جومارت توقاەۆ ەلىمىزدىڭ جاستارىنا زور ءۇمىت ارتاتىنىن ايتتى
پراكتيكادان ءوتۋ كەزىندە ءاربىر قاتىسۋشىعا تالىمگەر تاعايىندالادى, ول كاسىبي ءبىلىم مەن پراكتيكالىق داعدىلاردى مەڭگەرۋگە ىقپال ەتەدى. جوبانى قارجىلاندىرۋ ەڭبەك ۇتقىرلىعى ورتالىعى ارقىلى «ازاماتتارعا ارنالعان ۇكىمەت» مەملەكەتتىك كورپوراتسياسى جۇزەگە اسىرادى – قاتىسۋشىلاردىڭ جالاقىسى اي سايىن ەكىنشى دەڭگەيدەگى بانكتەردە اشىلعان كارتالىق شوتتارىنا اۋدارىلادى.
2026 جىلعى اقپان-ناۋرىز ايلارىنىڭ قورىتىندىسى بويىنشا جوبامەن 423 ادام جۇمىسپەن قامتىلدى. ەڭ سۇرانىسقا يە ماماندىقتار قاتارىندا مەيىرگەر – 124 ادام, زاڭگەر – 66 ادام, شەت ءتىلى مۇعالىمى – 57 ادام, تاربيەشى – 47 ادام جانە باستاۋىش سىنىپ مۇعالىمى – 43 ادام بار. رەسپۋبليكا بويىنشا ورتاشا جالاقى 129,7 مىڭ تەڭگەنى قۇرادى.
جاڭا كونستيتۋتسيا جوباسى جاستاردىڭ قۇقىعى مەن مۇمكىندىگىن قالاي وزگەرتپەك؟