اقتوبەدە جول-كولىك وقيعاسى سالدارىنان جەدەل جاردەم كولىگى اۋدارىلدى. وقيعا قالاداعى ساڭكىباي باتىر داڭعىلى بويىندا بولعان, دەپ حابارلايدى Egemen.kz.
پوليتسيا مالىمەتىنشە, جەدەل جاردەم كولىگى مەن Toyota اۆتوكولىگى سوقتىعىسقان. سالدارىنان جەدەل جاردەم كولىگى بۇيىرىنە اۋدارىلعان. كولىك ىشىندە بولعان ناۋقاس دەرەۋ مەديتسينالىق مەكەمەگە جەتكىزىلدى.
الماتىدا جول اپاتىنان 3 ادام قازا تاپتى: قىلمىستىق ءىس قوزعالدى
دەنساۋلىق ساقتاۋ باسقارماسىنىڭ حابارلاۋىنشا, جەدەل جاردەم كولىگىندە 34 جاستاعى جۇكتى ايەل بولعان. جول اپاتىنان كەيىن ونىڭ تولعاعى باستالىپ, شۇعىل تۇردە پەرزەنتحاناعا جەتكىزىلگەن. دارىگەرلەردىڭ كومەگىمەن ايەل امان-ەسەن بوسانىپ, دەنى ساۋ قىز بالانى دۇنيەگە اكەلدى.
مامانداردىڭ ايتۋىنشا, انا مەن ءسابيدىڭ جاعدايى تۇراقتى, دارىگەرلەردىڭ باقىلاۋىندا. سونداي-اق جەدەل جاردەم بريگاداسىنىڭ قىزمەتكەرلەرى تەكسەرۋدەن ءوتىپ, ولاردىڭ دا جاعدايى قالىپتى ەكەنى انىقتالعان.
اقتوبە وبلىسىندا جول اپاتىنان جۇرگىزۋشى مەن ءتورت جولاۋشى قازا تاپتى
قۇقىق قورعاۋ ورگاندارى جۇرگىزۋشىلەردى جول قوزعالىسى ەرەجەلەرىن قاتاڭ ساقتاۋعا جانە ارنايى دابىل شامدارى مەن سيرەناسى قوسۋلى جەدەل جاردەم كولىكتەرىنە جول بەرۋگە شاقىرادى.