ەلىمىزدىڭ باسىم بولىگىندە اۋا رايى اۋقىمدى انتيتسيكلوننىڭ ىقپالىندا بولادى, سوندىقتان جاۋىن-شاشىنسىز, تۇراقتى كليمات كۇتىلەدى. تەك رەسپۋبليكا اۋماعىنىڭ باتىس وڭىرىندە كەي جەرلەردە جاڭبىر جاۋىپ, نايزاعاي ويناۋى مۇمكىن. ايرىقشا نازار اۋدارىلاتىن ءوڭىر – ماڭعىستاۋ وبلىسى, مۇندا 28 ناۋرىزدا قاتتى جاڭبىر جاۋى مۇمكىن. بۇل تۋرالى قازگيدرومەت مالىمدەدى, دەپ حابارلايدى Egemen.kz.
سونىمەن قاتار, الداعى كۇندەرى رەسپۋبليكانىڭ كەي بولىكتەرىندە جاۋىن-شاشىن كۇتىلەدى. 26 ناۋرىزدا سولتۇستىك قازاقستان وبلىسىندا جاڭبىر مەن قار جاۋى ىقتيمال. 27-28 ناۋرىزدا شىعىس قازاقستان وبلىسىندا جاۋىن-شاشىن (جاڭبىر, قار) بولجانعان.
رەسپۋبليكا بويىنشا تۇمان ءتۇسىپ, سولتۇستىك پەن شىعىس وڭىرلەردە كوكتايعاق قۇبىلىستارى ساقتالادى, بۇل جول قوزعالىسىنا قوسىمشا قاۋىپ ءتوندىرۋى مۇمكىن.
بۇگىن ەلىمىزدە اۋا رايى قۇبىلمالى بولادى
اۋا تەمپەراتۋراسى كۇندىزگى ۋاقىتتا وڭىرلەر بويىنشا كەلەسىدەي وزگەرەدى:
باتىس جانە سولتۇستىك-باتىس وڭىرلەردە +15…+25°س; سولتۇستىك پەن شىعىستا +10…+17°س; ورتالىق قازاقستاندا +13…+24°س; وڭتۇستىك وڭىردە +21…+30°س; وڭتۇستىك-شىعىس وڭىردە +18…+27°س; تاۋلى ايماقتاردا +10…+15°س.ازاماتتار اۋا رايى جاعدايىنا بايلانىستى ساقتىق شارالارىن ۇستانىپ, جاڭبىر مەن كوكتايعاققا, سونداي-اق جولداعى قاۋىپ-قاتەرگە نازار اۋدارۋى قاجەت.
ەسكە سالا كەتەيىك, 25 ناۋرىزدا رەسپۋبليكا بويىنشا تۇمان ءتۇسىپ, سولتۇستىك پەن ورتالىقتا كوكتايعاق بولدى.