بۇگىن قر يندۋستريا جانە ينفراقۇرىلىمدىق دامۋ ۆيتسە-ءمينيسترى بەرىك كاماليەۆتىڭ توراعالىعىمەن بەينەكونفەرەنتسيا رەجيمىندە وتكەن كەڭەيتىلگەن كەڭەسكە قاتىسۋشىلار قالالىق جولاۋشىلار تاسىمالىن دامىتۋ جونىندەگى شارالار كەشەنىن, اۆتوبۋس تاسىمالدارىنىڭ جاي-كۇيى مەن پروبلەمالىق ماسەلەلەرىن تالقىلادى.
قر يدم باستاماسىمەن ۇيىمداستىرىلعان جيىن بارىسىندا جەرگىلىكتى اتقارۋشى ورگانداردىڭ اۆتوبۋس تاسىمالىنىڭ جاي-كۇيى تۋرالى اقپاراتى تىڭدالدى. اۆتوكولىك قاۋىمداستىقتارىنىڭ, "اتامەكەن" ۇكپ-نىڭ, سونداي-اق مۇددەلى مەملەكەتتىك ورگانداردىڭ ۇسىنىستارى تالقىلاندى.
جەرگىلىكتى جەرلەردەگى جاعدايدى تولىق زەرتتەۋ جانە قاجەتتى شارالار قابىلداۋ ءۇشىن "اتامەكەن" ۇكپ جانە اۆتوكولىك قاۋىمداستىقتارىمەن بىرلەسىپ, وڭىرلەرگە بارۋ تۋرالى شەشىم قابىلداندى.
بەينەكونفەرەنتسيا رەجيمىندە وتكەن كەڭەس جۇمىسىنا ورتالىق جانە جەرگىلىكتى اتقارۋشى ورگانداردىڭ, "اتامەكەن" ۇكپ, "كازلوگيستيكس" ستك, "ونەركاسىپتى دامىتۋ قورى" اق جانە اۆتوكولىك قاۋىمداستىقتارىنىڭ وكىلدەرى قاتىستى.