قوستاناي وبلىسىندا دوڭعالاعى كىسى بويىنان اساتىن كەنىش جۇك كولىكتەرىن جۇرگىزەتىن ايەلدەر بريگاداسى جاساقتالدى. جۇرەگى نازىك, بىلەگى مىعىم توعىز كەلىنشەك تاياۋدا «پروفي» وقۋ ورتالىعىنداعى 3 ايلىق قىسقامەرزىمدى كۋرستا كەن تاسيتىن كولىكتىڭ قىر-سىرىن مەڭگەرىپ, ارنايى ماماندىق الىپ شىقتى. بىلىكتىلىك ەمتيحانىن ءساتتى تاپسىرعان ولار بىردەن كەن ورنىنا اتتانعان. جۇرگىزۋشى ايەلدەر بريگاداسى قازىر جىتىقاراداعى «كوماروۆ» تاۋ-كەن كاسىپورنىندا كەن تاسىپ ءجۇر.
«پرەزيدەنت ءوز جولداۋىندا كاسىبي ءبىلىم بەرۋدى رەفورمالاۋ جانە ەكونوميكانىڭ بارلىق سالالارى ءۇشىن مامان دايارلاۋ جۇيەسىن جەتىلدىرۋ جونىندە ناقتى تاپسىرمالار بەردى. ءبىز كاسىبي ءبىلىم بەرۋدىڭ دۋالدى جۇيەسى نەگىزىندە كۋرستاردىڭ باسىم بولىگىن وقۋ عيماراتىندا ەمەس, كاسىپورىنداردا, ءوندىرىس باسىندا جۇرگىزىپ جاتىرمىز. ياعني ءبىلىم الۋشىلار ۋاقىتىنىڭ 60-70 پايىزىن وندىرىستە وتكىزەدى. ء بىزدىڭ سەنىمدى سەرىكتەستەرىمىزدىڭ ءبىرى – «كوماروۆ تاۋ-كەن كاسىپورنى» سەرىكتەستىگى. بىلتىر اتالمىش كاسىپورىنمەن كارەرگە اۆتوجۇكتۇسىرگىشجۇرگىزۋشىلەرىن دايارلاۋ تۋرالى كەلىسىمشارتقا قول قويدىق. ءبىر قىزىعى, ءبىلىم الۋشىلاردىڭ ءبارى دە – قىزدار. تاياۋدا وقۋلارىن ءتامامداپ, كەنىشتەگى جۇمىستارىنا كەتتى. ولارمەن ءالى دە حابارلاسىپ تۇرامىز, جۇرگىزۋشى قىزدار سەرىكتەستىك باسشىلىعىنىڭ دا كوڭىلىنەن شىقتى» دەدى «پروفي» وقۋ ورتالىعىنىڭ ديرەكتورى اندرەي بابيچ.
3 جىلدان بەرى «اتامەكەن» ۇلتتىق كاسىپكەرلەر پالاتاسىنىڭ جانىنان جۇمىس ىستەپ كەلە جاتقان اتالمىش وقۋ ورتالىعى وڭىردەگى 35 ءبىلىم مەكەمەسىمەن بىرگە «ەڭبەك» باعدارلاماسىنا قاتىسادى.