شىمكەنت قالاسىنداعى «AZALA Textile» جشس-ءى قازاقستاننىڭ جەڭىل ونەركاسىبى كوشباسشىلارىنىڭ ءبىرى بولىپ قانا قويماي, ليتۆا, لاتۆيا, گەرمانيا, يتاليا, پولشا, سونداي-اق جاقىن شەت ەلدەرگە تاۋارلارى ەكسپورتتالاتىن حالىقارالىق برەند بولىپ وتىر, دەپ حابارلايدى Egemen.kz.
قازاقستانداعى تولىق تسيكلدەگى جالعىز توقىما فابريكاسى - «AZALA Textile» جشس-ءى – ءوز اتاۋىن زاۋىت باسشىسىنىڭ بالالارىنا دەگەن قامقورلىعىنىڭ نىشانى رەتىندە الدى. ءوندىرىس يەسى كاسىپورىننىڭ اتاۋىن ءوزىنىڭ 5 قىزىنىڭ ەسىمدەرىنىڭ العاشقى ارىپتەرىنەن قۇردى: ايسۇلۋ, زەرە, ارۋجان, ءلاززات, ءايشابيبى.
جىلىنا 2800 توننادان استام ءيىرىمجىپ, دايىن جانە قاتتى ماتانىڭ 14 ميلليون مەترىن شىعاراتىن وندىرىستىك قۋاتى بار توقىما كومبيناتى شىمكەنت قالاسىندا ورنالاسقان.
«بيزنەستىڭ جول كارتاسى-2020» مەملەكەتتىك باعدارلاماسى نەگىزىندە كومبيناتتىڭ وندىرىستىك قۋاتى كەڭەيتىلدى. ناتيجەسىندە بوياۋ-وڭدەۋ جانە تىگىن تسەحتارى قوسىلدى. قايتا جاڭارتۋدان كەيىن «AZALA Textile» جشس-ءى كومبيناتى ەلىمىزدەگى ماقتا تالشىعىن قايتا وڭدەۋدى جانە دايىن ماقتا-ماتا بۇيىمدارىن شىعارۋدى قامتيتىن تولىق ءوندىرىس تسيكلى بار العاشقى وڭدەۋ توقىما كاسىپورنى بولدى.
بۇگىندە ماقتا-ماتا كومبيناتى ءونىمنىڭ كەڭ اسسورتيمەنتىن شىعارادى. بۇل-دايىن وڭدەلگەن ماتالار, تۇكتى جانە ۆافەلدى سۇلگىلەر مەن اقجايمالار, توسەك-ورىن جيىنتىعى, بارلىق ستاندارتتى ولشەمدەگى توسەك-ورىن جابدىقتارى, سۇلگىلەر, اقجايمالار, جاستىق تىستارى, كورپە تىستارى, بالالار توقىماسى, سونداي-اق قاتتى ءيىرىمجىپ (100% ماقتا), قاتتى ماتالار (100% ماقتا, تەگىس, تۇكتى, ۆافەلدى).
2015 جىلى «AZALA Textile» جشس ەل وڭىرلەرىنىڭ اراسىندا جەڭىل ونەركاسىپتىڭ نەگىزگى كاسىپورىندارىنىڭ ءبىرى بولىپ تانىلدى جانە «كاسىپكەرلىك سالاسىنداعى ۇزدىكتەر» اتتى وبلىستىق كونكۋرستا جەڭىمپاز اتاندى. ال 2018 جىلى «ۇزدىك يندۋستريالىق جوبا-2018» نوميناتسياسىندا «التىن ساپا» ۇلتتىق سىيلىعىن الدى.
«AZALA Textile» جشس-ءنىڭ ۇزاق مەرزىمدى ستراتەگياسى باسەكەگە قابىلەتتى ءونىمنىڭ اسسورتيمەنتىن كەڭەيتۋگە جانە جوعارى ساپاعا نەگىزدەلگەن. كومبينات ەل ءىشىن جانە شەتەلدەردى «Made in Kazakhstan» برەندىمەن شىعاتىن جوعارى ساپالى ونىممەن تولتىرا وتىرىپ, توقىما نارىعىنىڭ جاڭا سەگمەنتتەرىن دايەكتى تۇردە يگەرۋدە.
«AZALA» ونىمدەرىن شىمكەنت قالاسىنداعى ساۋدا ورتالىقتارى مەن بازارلاردا ساتىلادى. «AZALA Textile» ونىمدەرى تۋرالى تولىق اقپاراتتى كەلەسى سايت ارقىلى الۋعا بولادى: www.azalatextile.kz