قازاقستان بيلىگى جاردەماقىنى بالالارعا قاراعاندا, قاماۋداعىلارعا كوبىرەك بەرەدى. وسىلاي دەگەن حالىق پارتياسىنان قايتا سايلانعان ءماجىلىس دەپۋتاتى ايجان سكاكوۆا وسى ماسەلەگە قاتىستى ءوزىنىڭ نارازىلىعىن ءبىلدىردى, دەپ حابارلايدى Egemen.kz
«مەملەكەتكە دارىگەر مەن مۇعالىم كەرەك پە؟ الدە ۇرى, پارا الۋشى مەن زورلاۋشى قىمباتىراق پا؟», دەپ دەپۋتاتتىق ساۋال جولداعان ول, بالالارعا بەرىلەتىن جاردەماقى ايىنا 16,8 مىڭ تەڭگە بولسا, قاماۋداعىلاردى ۇستاۋعا بولىنەتىن قاراجات 88,5 مىڭ تەڭگەنى قۇرايتىنىن اتاپ ءوتتى.
ونىڭ ايتۋىنشا, ۇكىمەت بار باسىمدىلىقتى دەموگرافيالىق ىنتالاندىرۋ مەن دەنى ساۋ ۇرپاقتىڭ تاربيەسىنە جۇمساۋى ءتيىس. وسىعان وراي ا.سكاكوۆا بالا كۇتىمى بويىنشا بەرىلەتىن جاردەماقىنى كوبەيتۋدى ۇسىندى.