بيىل قاردىڭ قالىڭدىعى بىلتىرعىدان 11 پايىزعا تومەن, دەپ حابارلايدى Egemen.kz رavlodarnews.kz سايتىنا سىلتەمە جاساپ.
بۇل تۋرالى وڭىرلىك كوممۋنيكاتسيالار قىزمەتى وتكىزگەن ءباسپاسوز كونفەرەنتسياسىندا وبلىستىق تجد باسشىسى ەرنۋر وتەگەنوۆ ايتتى.
- جىل سايىن كوكتەم ايلارىندا قار نەمەسە ەرتىس وزەنىندەگى مۇزدىڭ ەرۋىمەن وبلىس اۋىلدارىن سۋ باسىپ قالاتىنى بەلگىلى. قازىرگى كەزدە 28 اۋىلدى ەلدىمەكەندى سۋ باسۋ قاۋىپى بار. بىراق كۇزگى توپىراقتىڭ ىلعالدانۋى بيىلعى جىلعا قاراعاندا 10 پايىزعا ارتتى. 2019-2020 جىلدارى باياناۋىل اۋدانىندا اششى سۋ وزەنىنىڭ ماڭىندا 3 ملرد تەڭگەگە ارناسىن تازالاۋ, بۇرمالاۋ جۇمىستارىن, دامبالاردى كوتەرۋ جۇمىستار جۇرگىزىلدى. سونىڭ ارقاسىندا سۋ جانىنداعى ەلدى مەكەندەرگە جايىلۋ قاۋىپى تومەندەدى. قازىر قاۋىپ ءتونۋى ىقتيمال جەرلەردە جۇمىستار جۇرگىزىلۋدە, - دەيدى ەرنۋر وتەگەنوۆ.
ونىڭ ايتۋىنشا, بىلتىر اقتوعاي اۋدانىنىڭ شۇعا اۋىلىندا, ماي اۋدانىنىڭ اقساراي اۋىلىندا «جول كارتاسى» شەڭبەرىندە بەس قوسىمشا دوڭگەلەك قۇبىر سالىنىپ, سۋدىڭ جايىلىپ كەتۋىنە توسقاۋىل قويىلعان.
- قازىرگى ۋاقىتتا باياناۋل اۋدانىندا «2021-2023 جىلدارعا ارنالعان سۋ تاسقىنىنا قارسى ءىس-شارالاردىڭ جول كارتاسى» باعدارلاماسى اياسىندا كوپىر سالۋ جۇمىستارى باستالدى, - دەيدى ەرنۋر وتەگەنوۆ.
ايتا كەتەيىك, 4-5 ناۋرىز كۇنى وڭىردە «كوكتەم-2021» وقۋ-جاتتىعۋ وتەدى. تج دەپارتامەنتىنىڭ باسشىسى قۇلاقتاندىرۋ جۇيەسىن ىسكە قوسىلاتىندىقتان, تۇرعىنداردى ۇرەيلەنبەۋگە شاقىردى.