جاڭا جىل قارساڭىندا سەمەيدەگى قازاقستان يننوۆاتسيالىق ۋنيۆەرسيتەتىندە قاراكەرەي قابانباي اتىنداعى «باتىرلىق مۇراجايى» سالتاناتتى جاعدايدا اشىلدى. بۇل ءوزى يگىلىكتى شارۋا بولدى. ونىڭ باسى-قاسىندا جۇرگەن ازاماتتار بۇعان دەيىن استانانىڭ تۇبىندە بوي كوتەرگەن قازاق عاسكەرى باس قولباسشىسىنىڭ ساۋلەتتى كۇمبەزىن تۇرعىزۋعا اتسالىسقان ەدى. ال ودان كەيىنگى جەردە اتالعان جوعارى وقۋ ورنىندا اتى اڭىزعا اينالعان باتىرعا ارنالعان رەسپۋبليكالىق دەڭگەيدەگى ماڭىزدى كونفەرەنتسيا وتكىزىلگەن بولاتىن.
جاڭا جىل قارساڭىندا سەمەيدەگى قازاقستان يننوۆاتسيالىق ۋنيۆەرسيتەتىندە قاراكەرەي قابانباي اتىنداعى «باتىرلىق مۇراجايى» سالتاناتتى جاعدايدا اشىلدى. بۇل ءوزى يگىلىكتى شارۋا بولدى. ونىڭ باسى-قاسىندا جۇرگەن ازاماتتار بۇعان دەيىن استانانىڭ تۇبىندە بوي كوتەرگەن قازاق عاسكەرى باس قولباسشىسىنىڭ ساۋلەتتى كۇمبەزىن تۇرعىزۋعا اتسالىسقان ەدى. ال ودان كەيىنگى جەردە اتالعان جوعارى وقۋ ورنىندا اتى اڭىزعا اينالعان باتىرعا ارنالعان رەسپۋبليكالىق دەڭگەيدەگى ماڭىزدى كونفەرەنتسيا وتكىزىلگەن بولاتىن.
ەندى مىنە, سونداي يگى شارۋانىڭ سوڭى وسىلايشا تۇيىندەلىپ وتىر. سونىڭ بارىنە ۋنيۆەرسيتەت پرەزيدەنتى, پروفەسسور نادىربەك اپسالەموۆتىڭ ۇيىتقى بولىپ وتىرعانىن ايتا كەتكەنىمىز ءجون بولار. شىندىعىندا ماماندىعى جونىنەن ەكونوميست عالىمنىڭ تاريحقا دەن قويۋى قۋانتادى.
بىرنەشە بولىمنەن تۇراتىن باتىرلار مۇراجايىندا ەلىمىزدىڭ قاتپارلى تاريحى كەڭىنەن قامتىلعان. وندا ەل ەسىندە ماڭگىگە ساقتالىپ قالعان وتكەن زاماننىڭ باتىرلارىمەن بىرگە, كەيىنگى قاھارماندارىمىز تۋرالى دەرەكتەر تە بارشىلىق. سول سەبەپتەن دە بۇل مۇراجايدىڭ جاس ۇرپاققا بەرەتىن تاربيەلىك ماڭىزى زور دەپ بىلەمىز. جالپى ۇلت بولىپ ۇيىسا ءتۇسۋىمىز ءۇشىن قۇرعاق سوزدەن گورى وسىنداي ناقتى ىستەر كوپ بولعانعا نە جەتسىن!
داۋلەت سەيسەن ۇلى,
جۋرناليست.
سەمەي.