بۇل تۋرالى ماڭعىستاۋ وبلىسىنىڭ قوعامدىق كوممۋنيكاتسيا ورتالىعىندا وتكەن بريفينگتە «مەملەكەتتىك الەۋمەتتىك ساقتاندىرۋ قورى» اق ديرەكتورى نۇرسۇلۋ قونباەۆا ءمالىم ەتتى.
«2021 جىلدان باستاپ جاردەماقىلار مەن تولەمدەردىڭ مولشەرى كۇنكورىس دەڭگەيىنىڭ وسۋىنە پروپورتسيونالدى تۇردە ءوستى. سونىمەن قاتار, جۇمىسسىز رەتىندە تىركەلگەن ادامدار سوڭعى 2 جىلدا جۇمىس بەرۋشىلەردەن تۇسكەن الەۋمەتتىك اۋدارىمدارعا بايلانىستى ماسق-دان جۇمىسىنان ايىرىلۋى جاعدايىنا الەۋمەتتىك تولەمدەر الادى. بىلتىرعى جىلى ازاماتتارىمىز جۇمىسسىز رەتىندە ەلەكتروندى تىركەلۋگە جانە ەلەكتروندىق ەڭبەك بيرجاسى (www.enbek.kz) پورتالى ارقىلى الەۋمەتتىك تولەم تاعايىنداۋعا ءوتىنىش بەرۋگە مۇمكىندىك الدى. ال بىلتىر ماڭعىستاۋ وبلىسىندا ماسق-دان 52 211 الۋشىعا جالپى سوماسى 16 238 ملن تەڭگە الەۋمەتتىك تولەمدەر جۇرگىزىلدى. مىندەتتى الەۋمەتتىك ساقتاندىرۋ جۇيەسى جونىندەگى بارلىق قوسىمشا سۇراقتار بويىنشا www.gfss.kz. سايتىنان بىلۋگە بولادى»,-دەدى نۇرسۇلۋ قونباەۆا.