قر ۇكىمەتىنىڭ قاۋلىسىمەن مۇرات باريت ۇلى تەمىرجانوۆ قازاقستان رەسپۋبليكاسى اۋىل شارۋاشىلىعى مينيسترلىگى جەر رەسۋرستارىن باسقارۋ كوميتەتىنىڭ توراعاسى قىزمەتىنە تاعايىندالدى. بۇل تۋرالى Egemen.kz پرەمەر-ءمينيستردىڭ ءباسپاسوز قىزمەتىنە سىلتەمە جاساپ حابارلايدى.
مۇرات تەمىرجانوۆ 1977 جىلى اقمولا وبلىسىندا تۋعان. ش. ءۋاليحانوۆ اتىنداعى كوكشەتاۋ ۋنيۆەرسيتەتىن, قازاق گۋمانيتارلىق زاڭ ۋنيۆەرسيتەتىن بىتىرگەن.
ەڭبەك جولىن 1998 جىلى كوكشەتاۋ قالاسىندا سالىق كوميتەتىنىڭ سالىق ينسپەكتورى بولىپ باستاعان. 2001 جىلى زەرەندى اۋدانى بويىنشا سالىق كوميتەتى توراعاسىنىڭ ورىنباسارىنىڭ م.ا. بولدى. ءتۇرلى جىلدارى جەكە مەنشىك قۇرىلىمداردا باسشىلىق قىزمەتتەر اتقاردى.
2013-2014 جج. قر پرەزيدەنت اكىمشىلىگى قاۋىپسىزدىك كەڭەسىنىڭ سيتۋاتسيالىق ورتالىعىنىڭ كونسۋلتانتىنىڭ م.ا., كونسۋلتانتى بولدى.
2016-2021 جج. — VI شاقىرىلىمىنداعى قازاقستان رەسپۋبليكاسى پارلامەنت ءماجىلىسىنىڭ دەپۋتاتى, اگرارلىق ماسەلەلەر كوميتەتىنىڭ مۇشەسى. بيىلعى قاڭتار ايىنان باستاپ قازىرگى ۋاقىتقا دەيىن — قر اۋىل شارۋاشىلىعى ءمينيسترىنىڭ كەڭەسشىسى.