«يسلام مەملەكەتى» تەرروريستىك توبىنا بايلانىسى بار سودىرلار نيگەريانىڭ سولتۇستىك-شىعىسىنداعى بۇۇ بازاسى مەن گۋمانيتارلىق كومەك كورسەتۋ ورتالىعىنا شابۋىل جاسادى. عيماراتتاعى 25 قىزمەتكەردى سودىرلار قورشاپ الدى, دەپ حابارلايدى Egemen.kz.
گۋمانيتارلىق ورتالىقتى سودىرلار تولىعىمەن ورتەپ جىبەرگەن, بىراق ونىڭ قىزمەتكەرلەرى زارداپ شەككەن جوق. 25 قىزمەتكەر سودىرلاردىڭ باقىلاۋىنداعى عيماراتتا. الدىن الا دەرەك بويىنشا, شابۋىلدى «يسلام مەملەكەتىنىڭ باتىس افريكاداعى پروۆينتسياسى» (بۇرىنعى «بوكو حارام») تەرروريستىك توبىنىڭ مۇشەلەرى جاساعان.
بۇۇ باس حاتشىسىنىڭ رەسمي وكىلى ستەفان ديۋجارريك بولعان وقيعانىڭ ەگجەي-تەگجەيىن جاريالاۋدان ازىرگە باس تارتىپ وتىر. 2015 جىلعى ناۋرىز ايىندا «بوكو حارام» «يسلام مەملەكەتى» تەرروريستىك توبىنا انت بەرىپ, اتاۋىن «يسلام مەملەكەتىنىڭ باتىس افريكاداعى پروۆينتسياسى» دەپ وزگەرتكەن ەدى. ولار باتىستىق ءبىلىم بەرۋ مودەلىنە قارسى جانە شاريعاتتى بۇكىل ەلگە ەنگىزۋ كەرەك دەگەن يدەيانى قولدايدى.