قىزىلوردادا ءوتىپ جاتقان «بورىشكەر» جەدەل-پروفيلاكتيكالىق ءىس-شاراسى بارىسىندا پوليتسيا دەپارتامەنتى قىزمەتكەرلەرى وبلىس ورتالىعىندا كورىنەۋ جالعان مەملەكەتتىك بەلگى تاققان 2 كولىكتى انىقتادى.
جيىرما التىنشى اقپاندا 36 جاستاعى قالا تۇرعىنىنىڭ باسقارۋىنداعى «نيسسان پاترول» اۆتوكولىگىن توقتاتىپ, قۇجاتتارىن تەكسەرۋ بارىسىندا كولىككە جالعان مەملەكەتتىك بەلگى تاعىلعانى بەلگىلى بولدى. سونىمەن قاتار جۇرگىزۋشىگە بەلگىلەنگەن جىلدامدىقتى اسىرعانى ءۇشىن قۇقىق بۇزۋشىلىقتى اۆتوماتتى تۇردە انىقتايتىن «اركان» قۇرىلعىسى ارقىلى 14 585 تەڭگە ايىپپۇل سالىنعانى دا انىقتالدى.
سول كۇنى «كاماز» اۆتوكولىگىنە كورىنەۋ جالعان مەملەكەتتىك بەلگى تاعىپ باسقارعان 31 جاستاعى قالا تۇرعىنى دا ۇستالدى. جۇك كولىگىنىڭ جۇرگىزۋشىسىنە 4 مارتە جىلدامدىق اسىرعانى ءۇشىن 58 340 تەڭگە كولەمىندە ايىپپۇل سالىنعان ەكەن.
قازىر قۇقىق بۇزۋشىلارعا قازاقستان رەسپۋبليكاسى اكىمشىلىك قۇقىق بۇزۋشىلىق كودەكسىنىڭ 590 بابىنىڭ 4 بولىگىمەن اكىمشىلىك حاتتاما تولتىرىلىپ, كولىك قۇرالدارى ايىپ الاڭىنا قويىلدى جانە كودەكستىڭ 684 بابىنا سايكەس, جيناقتالعان قۇجاتتار قىزىلوردا قالالىق مامانداندىرىلعان اكىمشىلىك سوتىنا ءتيىستى شەشىم قابىلداۋ ءۇشىن جولداندى.