وبلىستاعى جاسوتاندىقتاردىڭ قاتارلارى بيىل 2260 بەلسەندى جاسپەن تولىقتى. بۇگىندە وبلىستىق بولىمشەدە 92 باستاۋىش ۇيىم جۇمىس جاسايدى. بۇلاردىڭ قاتارىندا ستۋدەنتتەر, اۋىل جاستارى, ءوز ءىسىن جاڭا باستاعان جاس كاسىپكەرلەر, كوللەدج وقۋشىلارى, جۇمىسشى جاستار بار. بارلىعى 10 مىڭعا جۋىق جاسوتاندىق بەلسەندى جىگەرلى كۇشكە اينالدى.
وبلىستاعى جاسوتاندىقتاردىڭ قاتارلارى بيىل 2260 بەلسەندى جاسپەن تولىقتى. بۇگىندە وبلىستىق بولىمشەدە 92 باستاۋىش ۇيىم جۇمىس جاسايدى. بۇلاردىڭ قاتارىندا ستۋدەنتتەر, اۋىل جاستارى, ءوز ءىسىن جاڭا باستاعان جاس كاسىپكەرلەر, كوللەدج وقۋشىلارى, جۇمىسشى جاستار بار. بارلىعى 10 مىڭعا جۋىق جاسوتاندىق بەلسەندى جىگەرلى كۇشكە اينالدى.
ولار جاستارعا سالاماتتى ءومىر سالتىن ناسيحاتتاپ, سپورتپەن شۇعىلدانۋعا, سىبايلاس جەمقورلىققا كوز جۇما قاراماۋعا شاقىرادى. سوعىس ارداگەرلەرى مەن تىل ەڭبەككەرلەرىنە, جالعىزباستى زەينەتكەرلەرگە كومەك كورسەتەدى. جاسوتاندىقتار وبلىس ورتالىعىنداعى مۇگەدەك بالالارعا ارنالعان «سامال» وڭالتۋ ورتالىعى مەن قارتتار ۇيىنە قامقورلىق جاسايدى. سونىمەن قاتار, «قامقورلىق» ەرىكتىلەر جاساقتارى مەن پوليتسيانىڭ قوعامدىق كومەكشىلەرى قاتارىندا جۇمىس اتقارادى. بۇل كۇندەرى وڭىردە «ديپلوممەن – اۋىلعا!», «جاستار تاجىريبەسى», «جاسىل ەل» باعدارلامالارى جۇزەگە اسىرىلىپ كەلەدى.
«جاس وتان» جاستار قاناتىنىڭ باستى مىندەتى – جاستار كاسىپكەرلىگىن قولداۋ. مىسالى, بيىل استانادا وتكەن «اتامەكەن Startup» بيزنەس-يدەيالار بايقاۋىنا 200-دەن استام جاس قاتىستى. جانە دە «بيزنەستىڭ جول كارتاسى-2020» باعدارلاماسى بويىنشا ىسكە اسىرىلىپ جاتقان 453 جوبانىڭ ىشىندەگى 45 بيزنەس-يدەيانى جاستار اتقارۋ ۇستىندە. ەسىك قاعىپ تۇرعان جىلقى جىلى جاسوتاندىقتار «ءساتتى قادام» جوباسى بويىنشا كاسىپورىندارعا, «جاستار – اۋىلعا!» اتتى جوبا بويىنشا اۋىل جاستارىنىڭ ورتاسىنا بارادى.
فاريدا بىقاي,
«ەگەمەن قازاقستان».
پاۆلودار وبلىسى.