Statcounter Global Stats مالىمەتتەرى بويىنشا 2021 جىلى قاڭتار ايىندا الەمدەگى ەڭ تانىمال الەۋمەتتىك جەلى Facebook بولدى, ونىڭ ۇلەسى 69,8% قۇرادى. ودان كەيىن Pinterest (11,9%), Twitter (9,5%), YouTube (4,9%) جانە Instagram (2,6%) تۇر, دەپ حابارلايدى Egemen.kz ranking.kz سايتىنا سىلتەمە جاساپ.
قازاقستاندا Pinterest الەۋمەتتىك جەلىسى ءبىرىنشى ورىنعا جايعاسقان, ونىڭ ۇلەسى 32,7%. ەڭ كوپ قولدانىلاتىن توپ-5 الەۋمەتتىك جەلىنىڭ قاتارىنا YouTube (20,4%), «ۆكونتاكتە» (14,9%), Facebook (13,5%) جانە Twitter (11,3%) ەندى.
2021 جىلدىڭ قاڭتارىندا ەلدە بايلانىس قىزمەتى وتكەن جىلدىڭ قاڭتارىمەن سالىستىرعاندا 1,7% قىمباتتادى. ونىڭ ىشىندە ينتەرنەتكە قوسىلۋ ءۇشىن ابونەنتتىك تولەم 2,1%, كابەلدى تەلەديدار قىزمەتتەرى 2,4%, ۇيالى بايلانىس قىزمەتتەرىنىڭ باعاسى 1,5%-كە ءوستى.