بۇگىن اقپارات جانە قوعامدىق دامۋ ءمينيسترى ايدا بالاەۆا قازاقستان رەسپۋبليكاسى پرەزيدەنتىنىڭ ەكونوميكالىق دامۋ جونىندەگى كەڭەسشىسى سەر سۋما چاكرابارتيمەن كەزدەستى, دەپ حابارلايدى Egemen.kz
كەزدەسۋ بارىسىندا تاراپتار مينيسترلىك جەتەكشىلىك ەتەتىن سالالارداعى سۇراقتاردى ءسوز ەتتى.
مينيستر اقپاراتتىق ساياسات, اقپاراتقا قول جەتىمدىلىك جانە ۇكىمەتتىك ەمەس سەكتورمەن ءوزارا ءىس-قيمىل سالاسىنداعى مەملەكەتتىك شارالار تۋرالى ايتتى. ماسەلەن, ايدا بالاەۆا قوعاممەن كەرى بايلانىستى ودان ارى جاقسارتۋ ماقساتىندا مينيسترلىكتىڭ ستراتەگيالىق سەسسيالارى قازىر ەلىمىزدىڭ بارلىق ايماقتارىندا ءوتىپ جاتقانىن اتاپ ءوتتى.
سۋما چاكرابارتي ەل ىشىندەگى اقپاراتتىق ساياساتتى جۇرگىزۋدەگى ەرەكشەلىكتەر مەن قازاقستاندى شەتەلدە برەندتەۋ سۇراقتارىنا قىزىعۋشىلىق ءبىلدىردى.
كەزدەسۋ سوڭىندا ايدا بالاەۆا مەن سۋما چاكرابارتي بىرلەسكەن جۇمىستىڭ بارلىق سۇراقتارى بويىنشا تۇراقتى ديالوگ جۇرگىزىپ وتىرۋعا كەلىستى.